【鹹竹蜂護聲】89歲老當益壯開騷冇難度 胡楓最驚喉嚨未見過風浪

89歲胡楓（修哥）創下在紅館最高齡開騷紀錄，明晚他喺紅館舉行《胡楓約你開心派對2021》演唱會，今日修哥到紅館踩台及進行拜神儀式，演唱會老闆盧敏儀及孫敬安齊到場為修哥打氣。雖然烈日當空，仍有粉絲在紅館外等候修哥，並高呼修修加油！修哥即走近跟他們揮手，拜神後修哥連燒豬也沒有吃，並指住喉嚨表示要護聲。

修哥雖然見慣風浪，不過笑言自己嘅喉嚨就未見過風浪，好怕聲線沙啞。為了養聲，他服用了鹹竹蜂、胖大海以及花旗參，並於綵排完畢後再去取中藥服用，問他可會打針開聲？修哥坦言：「唔好為一場演出而影響身體健康，但願明天上台聲線冇事。」修哥透露，在香港的4個曾孫和兩個孫女都會先後上台演出，至於喺溫哥華嘅兒子及英國嘅孫仔將會錄影片段嚟支持他，問到契仔、契女可會到場？他笑說：「我唔畀佢哋嚟。」