【獨家】感激肥姐造就開紅館Show機會 胡楓老當益壯三高糖尿乜都冇

2021-06-14 22:55
胡楓感激肥姐當年造就他喺紅館開Show機會。
胡楓感激肥姐當年造就他喺紅館開Show機會。

2018年,胡楓(修哥)以86歲高齡創下在紅館最高齡開騷紀錄,今年修哥再刷新紀錄,以89歲之齡於6月19日在紅館舉行《胡楓約你開心派對2021》。修哥相當興奮:「真係諗唔到,70歲後竟然有機會3度喺紅館開演唱會,最緊要有得娛人娛己,我好陶醉,一啲都唔覺得辛苦。」採訪:方騫平 攝影:譚壹致 場地:藝力琴行@新蒲崗

胡楓感激肥姐當年造就他喺紅館開Show機會。
胡楓感激肥姐當年造就他喺紅館開Show機會。
胡楓89歲再開紅館Show,他希望帶歡笑畀觀眾。
胡楓89歲再開紅館Show,他希望帶歡笑畀觀眾。

胡楓獲唔少契仔契女及行內人愛錫,演唱會原定去年舉行,主辦公司老闆孫敬安及盧敏儀(Money)經已同修哥拍好宣傳海報,兼且同壽星公切餅慶祝88歲生日,最終受疫情影響而押後一年,就算只容納七成半觀眾,但孫敬安及盧敏儀堅持show must go on,當係送畀修哥89歲賀禮,修哥好開心笑着說:「尤其係No Money(盧敏儀)對我真係好好,好話唔好聽,89歲唔開心點得,仲有幾多年呀?我都希望觀眾開心。」

演唱會本於去年舉行,當時修哥以一身白馬王子look影宣傳海報,演唱會老闆孫敬安及盧敏儀仲同修哥賀壽。
演唱會本於去年舉行,當時修哥以一身白馬王子look影宣傳海報,演唱會老闆孫敬安及盧敏儀仲同修哥賀壽。
胡楓日前跟曾江、Joe Junior透過傳媒尋「四哥」謝賢,希望繼《四個小生去旅行》後再於演唱會聚首。
胡楓日前跟曾江、Joe Junior透過傳媒尋「四哥」謝賢,希望繼《四個小生去旅行》後再於演唱會聚首。

開騷冇壓力
修哥自爆,19年前初登紅館開show由肥姐促成好事:「其實我70歲前都冇諗過可以喺紅館開到show,第一次70歲喺紅館演出係由『演唱會之父』張耀榮成全,記得大壽前夕,有朋友提議話當留個紀念,當時我仲話邊敢提出呀?自己講出嚟都傻啦!點知俾肥姐聽到同耀榮叔講,至今做開有條路。肥姐好錫我,樣樣都『修哥前,修哥後』,佢尤其對住我個孫仔嗒晒糖,所以喺溫哥華嘅兒孫,年年都會去拜肥姐。」修哥不擔心健康及體力問題,他開心到手舞足蹈說:「最近做咗磁力共振檢查身體,證實健康良好,冇三高、冇糖尿,收到報告時我幾開心呀!雖然89歲仲開到演唱會好唔簡單,但只要背熟歌詞就冇壓力,𠵱家只求天天開心,我鍾意唱歌,可以唱懷舊歌畀觀眾聽,好Enjoy。」

修哥好健康,絕對夠體力應付紅館Show,仲揚言會郁兩吓,跳兩步畀觀眾睇。
修哥好健康,絕對夠體力應付紅館Show,仲揚言會郁兩吓,跳兩步畀觀眾睇。
肥姐開聲,幫修哥圓心願,初登紅館舉行處男個唱。
肥姐開聲,幫修哥圓心願,初登紅館舉行處男個唱。
黎明及張學友都係修哥契仔,但兩人咁忙,加埋疫情,所以修哥開show唔敢打搞佢哋。
黎明及張學友都係修哥契仔,但兩人咁忙,加埋疫情,所以修哥開show唔敢打搞佢哋。
70歲演唱會時,契女林憶蓮係其中一位表演嘉賓。
70歲演唱會時,契女林憶蓮係其中一位表演嘉賓。
修哥70歲大壽演唱會,契仔黎明係表演嘉賓之一。
修哥70歲大壽演唱會,契仔黎明係表演嘉賓之一。
肥姐生前好錫胡楓孫仔。
肥姐生前好錫胡楓孫仔。
關鍵字

最新回應

關鍵字

相關新聞

熱門文章