姜濤爆肚拖女仔手笑死隊友 Lokman談遺失自己爆喊4分鐘

昨晚《調教你MIRROR》以隊長楊樂文（Lokman）為主，花姐因為覺得Lokman令佢好放心而冇放太多時間落佢身上，此點令Lokman抱怨，加上要維持「隊長款」所以有好大壓力，花姐希望梁祖堯能令Lokman變回「開心的隊長」。

節目尾段，祖祖同Lokman傾心事，後者一開始已忍唔住爆喊，指睇《狂舞派3》時掛念以前的自己，慨嘆「這個人」已變得陌生，「我好掛住以前無拘無束嗰度力呀，但唔知點解我將佢愈收愈埋、扔低咗。以前唔會理其他人感受，可以自由奔放，呢啲係推動自己行嘅力。」喊足4分鐘的感人自白感動不少網民！

另外，昨晚一集有喊又有笑，笑點來自姜濤在戲劇班的演出，A0的他瘋狂爆肚向鍾雪放電，又加拖手戲，最後因忘記台詞而爆肚令隊友笑到癲晒，獲黃修平導演大讚有天份及急才，梁祖堯及隊友即取笑姜濤「以權謀私」及「自肥可恥」，最終由演技自然及平均的Lokman奪最佳演繹獎。