【手已分？】自爆幾個月冇見蔡思貝 胡鴻鈞：我睇訪問先知佢消息

胡鴻鈞（Hubert）今日到新城電台接受訪問，他開心表示主演的新劇《愛上我的衰神》剛於日前煞科，可以重投歌手身份，希望7至8月有新歌出。提到周日父親節，Hubert透露將約父母食餐好，那麼兩老可有要求帶埋女友去慶祝？跟蔡思貝傳緋聞的他說：「叫我返屋企飲湯。（連同另一半？）只叫我。」

追問可會跟思貝家人慶祝父親節？Hubert僅答：「睇吓有冇緣份或時間，睇命運安排，因為佢拍緊劇，難度期，我都係透過訪問先知佢嘅消息。（關係咁疏離？）少時間見朋友嘛，只係久唔久通訊。（幾耐冇見？）唔記得喇，大約幾個月吧！喺公司都會撞到，但冇特別約。（你拍劇斷六親咁喎？）係呀，所以而家要重新聯繫六親，由飲湯開始，哈哈！（咁邊有時間拍拖？）睇緣份啦！」