【冇情傷喇喎】去船P有仔仔唱歌𠱁開心 麥貝夷IG晒比堅尼放題超風騷

麥貝夷（Karene）早前指控拍拖3年多的「男友」性伴多得驚人，矛頭直指曾傳緋聞的翟威廉，昔日好姊妹裕美更「躺着也中槍」，無啦啦成為「小三」嫌疑人！連日來隔空罵戰，被爆曾背男友Edmond偷食威廉的Karene，受盡是否纏繞而情緒低落，經朋友開解及打拳發洩後，近日她都積極投入工作。

今日Karene又於IG上載出海照，原來她約了羅堃尉及一班圈外好友開船P，當中不乏男生，見片中Karene與一名男友人合唱《相逢何必曾相識》，聽到男方落力以「台山話」唱出歌詞，搞到她都笑不停狂嗌「辛苦」唱唔到，睇嚟Karene俾對方𠱁得好開心！隨後，Karene再上載多張坐巨鴨的靚相，身穿三點式的她一邊傻笑一邊用雙臂夾出3吋事業線，另外3張她則大騷長腿，盡情在甲板上享受日光浴，Karene留言：「繼續發放好kai的笑容加上鏡頭邊睇手指頭😂#kai是不會停止的」

此外，2014年落選港姐黃碧蓮（Linna）亦於社交網分享Staycation照，相中穿比堅尼的她挨在沙發上大晒長腿，狀甚寫意，並以英文留言：「今個禮拜預測嘅雷暴係發生咩事？你哋嗰邊係咪好熱？因為今日都仲好熱囉！」連日來Linna仲頻頻預告下周五（25日）有事宣佈，究竟咁神秘係咩事呢？