撇甩暗黑風格玩清純　韓韶禧Sweet爆化身「校園女神」

26歲韓國女星韓韶禧主演的新劇《無法抗拒的他》後日見街，所以頻頻亮相各大媒體宣傳，近日她就為韓國雜誌影了一輯靚相。韓韶禧最近嘅角色都比較黑暗，例如《夫妻的世界》飾演第三者角色，又或者好似《無》劇角色咁，背後有啲故事，比較少見到佢清純一面。不過，今輯相韓韶禧一脫「暗黑」風格，換上多個青春甜美造型，完全係「校園女神」呀！相中，佢拎住兩粒車厘子嘟嘴，夠晒青春可愛；另一張又坐喺Locker前面，啲書散滿一地，即刻好想幫女神執番啲書扮邂逅！