【好SEXY】着背心跌膊現胸肌線條 黃寅燁影雜誌相現迷之眼神

憑《女神降臨》爆紅的韓國男星黃寅燁為雜誌拍攝的5月號內頁今日公開，成輯相都好Moody，大部分都係玩型格黑白。着上背心加西裝褸的黃寅燁，顯得身形比例好好，而且他身高超過6呎（185厘米），點少得全身相晒吓長腿！件白色背心仔同樣好蠱惑，胸肌若隱若現咁，Fans們一定好滿意。而黃寅燁都好適合性感風，見佢件褸跌晒膊，迷之眼神又咁誘惑，好吸引呀！

黃寅燁將會參演Netflix上星期公佈開拍的韓劇《安娜拉蘇瑪娜拉》，與池昌旭和崔成恩合作。他飾演高中生「羅一等」，雖然都係演學生，但比起《女神降臨》「書竣」的校霸角色，今次他會演繹只識讀書，不擅長與人交流的性格，反差好大。