星島日報

逾300粉絲撐場變大合唱 Edan「打回圓形」演唱會唔騷肌

2021-03-31 18:30
已很久沒有公開活動的MIRROR,成員Edan今日獲數百粉絲到場支持。
已很久沒有公開活動的MIRROR,成員Edan今日獲數百粉絲到場支持。

MIRROR成員Edan(呂爵安)今日到旺角出席奶茶活動,吸引超過300名爵屎(Edan粉絲稱呼)到場,相當熱鬧!Edan即席清唱其Solo曲《E先生 連環不幸事件》,但最後演變成全場大合唱,足見一眾爵屎的熱情。他指Fans應是「餓」了很久,因MIRROR已很久沒有公開活動:「又或者演唱會買唔到飛,嚟見吓真人,哈哈!」

已很久沒有公開活動的MIRROR,成員Edan今日獲數百粉絲到場支持。
已很久沒有公開活動的MIRROR,成員Edan今日獲數百粉絲到場支持。
Edan今日到旺角出席奶茶活動。
Edan今日到旺角出席奶茶活動。

演唱會門票一票難求,Edan表示自己只留票給家人和相熟朋友,不算一身「飛債」,但比較擔心體力:「出道時開1場都成個人死咗,估計今次6場會好攰。之前得一半入座率唔夠喉,現在加場又有75%入座率就開心啲囉!」姜濤指自己到時會表演樂器,Edan無懼對方挑機:「佢係驚喜定驚嚇先?哈哈!我到時會自彈自唱《E先生》,已經好少邊唱邊反白眼,不過Fans又話我經常合埋眼,都要多練習表情管理。」

Edan擔心5月演唱會體力不夠應付。
Edan擔心5月演唱會體力不夠應付。
Edan即席清唱其Solo曲,最後變成全場大合唱。
Edan即席清唱其Solo曲,最後變成全場大合唱。

雖然Fans無緣在演唱會見到Edan除衫,不過他透露自己在港版《大叔的愛》有騷肌戲:「我一度練出腹肌㗎,不過已經『打回圓形』,所以開騷唔露嘞,留畀Stanley同Alton啦!若果他日再變返咁Fit,我唔介意表演除衫彈琴!」咁會否與合演《大叔的愛》的隊友Anson Lo在台上咀嘴?Edan笑說:「我OK呀!咀嘴唔使練,但唔知花姐畀唔畀喎!」他又自爆二人在劇中加了激咀戲,「我益咗佢啦!阿媽都戥我蝕底呀!」

Edan會在演唱會自彈自唱其個人歌曲《E先生 連環不幸事件》。
Edan會在演唱會自彈自唱其個人歌曲《E先生 連環不幸事件》。
Edan自爆和Anson Lo在新劇《大叔的愛》有激咀場面。
Edan自爆和Anson Lo在新劇《大叔的愛》有激咀場面。
MIRROR演唱會今日宣布再加開1場。
MIRROR演唱會今日宣布再加開1場。

最新回應

關鍵字

相關新聞

熱門文章