【乜仇都報晒】真身扮嬲離場成功玩返一鑊 「惡搞版前田敦子」同前田敦子鬥跳舞

2021-03-31 17:30
前田真係乜仇都報晒。
前田真係乜仇都報晒。

昨晚,日本女團AKB48前一姐前田敦子跟舊隊友板野友美上節目,終跟39歲「惡搞版前田敦子」女諧星金太郎碰頭。9年前,金太郎曾扮前田演唱AKB大熱歌曲《Flying Get》而被Fans鬧爆,甚至收到死亡恐嚇。


昨晚前田與金太郎齊上節目,後者以前田的AKB造形登場跳舞,身後的前田即時黑面,金太郎未跳完前田已步出錄影廠,嚇到金太郎震晒唔知點算,原來前田夾埋劇組玩鬼金太郎,一個屈尾十就笑住返錄影廠,搞到金太郎喊到面容扭曲,哈,佢都有今日。

前田真係乜仇都報晒。
前田真係乜仇都報晒。
金太郎一出場就好入戲。
金太郎一出場就好入戲。

做完大龍鳯,前田同金太郎一齊跳《Flying Get》,前田落力跳舞,金太郎更擺出一字馬,令板野友美拍爛手掌,金太郎再搞笑模仿前田的金句說出:「就算惡搞前田敦子,請不要討厭我!」非常好笑。

金太郎多年前惡搞前田後,曾有傳聞兩人被列入禁止合作的名單,前田表示未聽過,昨日更晒出跟金太郎的合照力證無不和。

前田即時黑面。
前田即時黑面。
金太郎好落力跳舞。
金太郎好落力跳舞。

前面塊面愈嚟愈黑。
前面塊面愈嚟愈黑。
嗱,佢走嘞。
嗱,佢走嘞。
工作人員了解中。
工作人員了解中。
頭也不回。
頭也不回。
金太郎完全被嚇親唔知點算。
金太郎完全被嚇親唔知點算。
敦子喺後台係咁笑。
敦子喺後台係咁笑。
轉個頭又出場。
轉個頭又出場。
睇吓金太郎個樣,哈哈哈哈哈哈哈哈。
睇吓金太郎個樣,哈哈哈哈哈哈哈哈。
前田笑到蹲喺度。
前田笑到蹲喺度。
睇佢幾開心。
睇佢幾開心。
兩個仲一齊跳舞。
兩個仲一齊跳舞。
跳完舞仲合照,冇晒事啦。
跳完舞仲合照,冇晒事啦。
前田敦子跟舊隊友板野友美。
前田敦子跟舊隊友板野友美。
關鍵字

最新回應

關鍵字

相關新聞

熱門文章