首跟T-Ma馮允謙合作 陳卓賢《DWBF》講曖昧向方大同致敬

即將在5月開騷的男團MIRROR，5場門票秒速售罄，一票難求！今年除了有演唱會及團體新歌《Warrior》外，多位MIRROR成員亦推出Solo，繼Edan（呂爵安）、Anson Lo（盧瀚霆）、姜濤及Jer（柳應廷）後，Ian（陳卓賢）亦於昨晚發布新歌《DWBF》。

《DWBF》意即「Don’t Wanna Be Friends（不想只當朋友）」，講述曖昧男女戀人未滿，既期待又怕受傷害的心路歷程。Ian透露創作靈感：「故事係講一個男仔唔想再同對方做朋友、希望超越友誼，終於踏出一步，所以有呢個構思同歌名。」

之前已譜出《鯨落》、《蝸牛》等歌曲的Ian，首度與T-Ma及馮允謙共同擔任《DWBF》作曲人。Ian指今次全靠監製T-Ma牽線，也因為創作過程愉快，令他希望日後可與更多音樂人合作。雖然Ian今次未有填詞，不過卻提供歌詞靈感：「我同作詞人鄭敏傾咗好耐，佢好了解我嘅諗法。因為我好鐘意方大同，所以將對方嘅《愛愛愛》同《歌手與模特兒》放入歌詞，當係一個密碼。」


《DWBF》MV以溫馨又復古的六角形房間作佈景，令Ian大讚製作用心。不過在《男排女將》演出自然的他，竟被一場戲考起：「導演想我喺間奏時彈琴，於是我即刻聽吓首歌，想臨時彈出嚟！我唔想阻住大家，但又好耐無彈琴，都幾大壓力！喺冇準備嘅情況下有啲驚，算係最緊張嘅戲。」

Ian近期忙於宣傳下周播映的ViuTV原創劇《無限斜棟有限公司》，他亦承諾會繼續向唱作人目標進發，同時率先透露計劃畀Fans：「早幾個月好似冇乜動態，知道大家有啲擔心，其實係為今年嘅計劃做準備，包括《DWBF》都係呢幾個月嘅創作；自己都有繼續進修，想各方面都做得更好！例如之前講過今年想出四首歌，所以要加緊腳步催促自己，希望可以如期完成，亦希望大家到時關注我嘅作品。」