【爵屎變姜糖？】貼瘀腳相宣傳《考有Feel》小儀目擊姜濤喪屍上身咬阿Dee
2021-03-30 14:45 
小儀、MIRROR成員呂爵安（Edan）及黃奕晨（Dixon）主持的《考有Feel》下周一（5日）首播，小儀昨晚在社交網上載節目花絮照寫道：「嗱！有圖有真相！連姜濤都咁勇猛，我拍攝時小小（少少）瘀，係預咗㗎啦~~~吓嘩！所以記得到時一定要撐我哋《考有Feel》呀！」
照片只見小儀、姜濤及ERROR成員阿Dee（何啟華）咬緊牙關自拍，表情相當趣緻，姜濤更突然喪屍上身，向住阿Dee熊抱加飛擒大咬！阿Dee亦好交戲做出痛苦表情，而在後面的Dixon就笑到傻咗。
一眾姜糖（姜濤粉絲稱呼）紛紛留言指偶像是「喪姜」，亦好開心見到姜濤咁投入。不過數張照片都未見Edan身影，而小儀上兩星期參加饑饉活動時又肉緊攬實姜濤，早前在《考有Feel》記者會自認是爵屎（Edan粉絲稱呼）的她似乎變咗心喎！
關鍵字
最新回應