星島日報

【跳舞Battle】AL暈低愛犬見死不救 肥仔@ERROR露腩肉彈地秒殺193

2021-03-16 17:00
193向肥仔挑機跳舞,
Anson Lo就喺愛犬面前晒舞技。
193向肥仔挑機跳舞, Anson Lo就喺愛犬面前晒舞技。

ERROR成員肥仔(梁業)出名跳舞實力好強,但竟然被隊友193(郭嘉駿)挑機!肥仔昨晚於IG上載一條影片,並留言表示:「193無啦啦話要同我鬥舞,笑到我!無謂(令佢)出醜,我求其跳兩嘢算!」他相當「禮貌」咁即場跳咗幾吓應戰,不過輪到193跳舞時即刻變到好搞笑,手長腳長嘅193明顯動作好笨拙,最後肥仔使出「彈地」絕招,瞓身喺地下彈彈吓嘅佢仲露出大嚿肉,咁賣力梗係秒殺193啦!一班網民紛紛留言大讚肥仔:「機已屈」、「好靈活」等,雖然193繼續被人笑:「小心wave到斷手」、「形體大師193」,但都有粉絲讚佢舞功有進步:「點解193協調咗咁多」、「進步神速」、「33終於唔係一跳舞就頭部以下癱瘓嘅男人,感動」。

193向肥仔挑機跳舞,
Anson Lo就喺愛犬面前晒舞技。
193向肥仔挑機跳舞, Anson Lo就喺愛犬面前晒舞技。
肥仔表示自己求其跳兩嘢,不過都好落力吓。
肥仔表示自己求其跳兩嘢,不過都好落力吓。

另一邊廂,MIRROR成員「教主」Anson Lo(AL,盧瀚霆)亦在愛犬Amber面前晒舞技。Amber本身睇得好Enjoy,搖頭擺尾咁,不過此時AL突然扮暈低!相信呢個時候一眾神徒(AL粉絲稱呼)都會即時上前關心,不過Amber只係疑惑地兜咗個圈就走咗,令AL忍唔住大呻自己唔夠Amber最愛嘅無花果吸引!

193完美演繹東施效顰,不過都好可愛。
193完美演繹東施效顰,不過都好可愛。
肥仔先以蠍子舞畀193一個下馬威。
肥仔先以蠍子舞畀193一個下馬威。

肥仔再以彈地絕招,
晒腩肉KO對方。
肥仔再以彈地絕招, 晒腩肉KO對方。
肥仔及193演出好完美。
肥仔及193演出好完美。
Anson Lo以熱舞吸引愛犬Amber注意。
Anson Lo以熱舞吸引愛犬Amber注意。
Anson Lo突然扮唔舒服倒地。
Anson Lo突然扮唔舒服倒地。
見到主人「暈咗」,Amber竟然跑走!
見到主人「暈咗」,Amber竟然跑走!

最新回應

關鍵字

相關新聞

熱門文章