【跳舞Battle】AL晕低爱犬见死不救 肥仔@ERROR露腩肉弹地秒杀193
2021-03-16 17:00 
ERROR成员肥仔（梁业）出名跳舞实力好强，但竟然被队友193（郭嘉骏）挑机！肥仔昨晚于IG上载一条影片，并留言表示：「193无啦啦话要同我斗舞，笑到我！无谓（令佢）出丑，我求其跳两嘢算！」他相当「礼貌」咁即场跳咗几吓应战，不过轮到193跳舞时即刻变到好搞笑，手长脚长嘅193明显动作好笨拙，最后肥仔使出「弹地」绝招，瞓身喺地下弹弹吓嘅佢仲露出大嚿肉，咁卖力梗系秒杀193啦！一班网民纷纷留言大赞肥仔：「机已屈」、「好灵活」等，虽然193继续被人笑：「小心wave到断手」、「形体大师193」，但都有粉丝赞佢舞功有进步：「点解193协调咗咁多」、「进步神速」、「33终于唔系一跳舞就头部以下瘫痪嘅男人，感动」。
另一边厢，MIRROR成员「教主」Anson Lo（AL，卢瀚霆）亦在爱犬Amber面前晒舞技。Amber本身睇得好Enjoy，摇头摆尾咁，不过此时AL突然扮晕低！相信呢个时候一众神徒（AL粉丝称呼）都会即时上前关心，不过Amber只系疑惑地兜咗个圈就走咗，令AL忍唔住大呻自己唔够Amber最爱嘅无花果吸引！
關鍵字
最新回应