翻睇老公舊片解相思之苦 陳茵媺學陳豪抛鑊變仙女散花

陳茵媺（Aimee）與陳豪是圈中出名的恩愛夫妻，稍後於內地拍攝TVB劇《白色強人II》的陳豪，目前正在深圳接受隔離中。雖然Aimee有3名子女陪伴，但老公在其心目中的位置始終無人能及，兩公婆長時間分隔兩地未能見面，她只好翻看老公的舊影片，一解相思之苦。今日，Aimee於IG分享兩段搞笑短片，並以英文留言：「我太掛住老公，於是我番睇舊片，就搵到呢條片！」

在第一段片中，正在製作炒飯的Aimee用雙手抛鑊，雖然神情有啲緊張，但睇落都有板有眼，其間仲傳出陳豪的聲音，叫她嘗試再抛高一些。Aimee又留言：「如果老公做到嘅，我都可以做得到，結果…」從第二段片中，聽老公話將個鑊抛高啲的Aimee，怎料炒飯變成「仙女散花」，把鑊中的米飯拋到成地都係，陳豪即嚇到大叫：「Oh No！」Aimee就淨係識得哈哈大笑，場面搞笑。