星島日報

衣櫃全是老婆啲衫 陳柏宇新年願望:執乾淨間屋

2021-02-13 17:03
陳柏宇夫婦享受帶囡囡親親大自然。
陳柏宇夫婦享受帶囡囡親親大自然。

陳柏宇(Jason)與太太符曉薇(Leanne)日前帶女兒陳羿辰(Abigail)接受訪問,趁牛年到郊外餵牛。兩公婆表示很享受每次帶女兒親親大自然,Leanne謂:「我哋好多時都想帶Abi出去戶外活動,又或者去吓主題樂園,可惜遇上疫情,樂園亦關閉,所以都好無奈!」談及過年節目,Jason表示:「通常有一日會去我屋企人度,以往係喺酒樓團拜,然後有一日可能就去Leanne屋企拜年!至於Abi逗嘅利是當然有幫佢儲起,已經幫佢開咗個私人戶口,啲利是錢會放晒入去!」
至於新年願望,Jason鬼馬表示:「希望新一年執乾淨啲間屋,哈哈!我哋屋企每一樣醬料都有,然後我每幾個月就會望一望啲醬料睇吓過咗期未,過期就會全部掉晒佢,然後再添置新嘅,所以屋企啲醬每幾個月會換一次!仲有屋企個衣櫃呀,大部分都係Leanne啲衫,留咁多衫喺度,一年着得幾多次先?」Leanne聞言即笑說:「所以我好驚Jason執屋!佢問我要唔要,我梗係話要啦!」

陳柏宇夫婦享受帶囡囡親親大自然。
陳柏宇夫婦享受帶囡囡親親大自然。
陳柏宇爆衣櫃都是老婆的衫。
陳柏宇爆衣櫃都是老婆的衫。

最新回應

關鍵字

相關新聞

熱門文章