【有火藥味 】接受陳定幫訪問鬧爆老公 吳若希大除夕揚言:之後玩返你50年

2021-02-11 17:34
玄學家陳定幫最近喺youtube開咗頻道,日前請咗吳若希同何兆鴻一齊做訪問,兩公婆喺節目度互片,好有火藥味。
玄學家陳定幫最近喺youtube開咗頻道,日前請咗吳若希同何兆鴻一齊做訪問,兩公婆喺節目度互片,好有火藥味。

有份參與TVB賀歲節目《天天開運王》玄學家陳定幫(Clement)最近喺youtube開咗個講吓風水玄學頻道,日前請咗娛樂圈「最惹火夫妻」吳若希(Jinny)同老公何兆鴻(Alex)一齊做訪問,兩公婆結婚3年多,育有女兒Giselle和兒子Kylian,但不時嘈嘈吵吵,節目中Jinny繼續質問老公,好有火藥味,連幫幫師傅都滴晒汗,Jinny又大爆兩公婆閨房秘密。

 

投訴錯失澳門派錢福利

節目一開始,兩人即有火花,澳門人Alex自爆經已攞咗香港身份證,但吳若希講起就嬲:「婚都結埋,我喺澳門住咗咁耐,唔知點解佢唔幫我申請澳門身份證?所以每年我都錯過咗澳門派錢呢個福利。」何兆鴻尷尬解釋:「主要比較忙…忙住陪老婆生產。」吳若希不客氣反駁:「你行開啦你,我生產完喇!」







玄學家陳定幫最近喺youtube開咗頻道,日前請咗吳若希同何兆鴻一齊做訪問,兩公婆喺節目度互片,好有火藥味。
玄學家陳定幫最近喺youtube開咗頻道,日前請咗吳若希同何兆鴻一齊做訪問,兩公婆喺節目度互片,好有火藥味。
見兩公婆咁火,陳定幫滴晒汗。
見兩公婆咁火,陳定幫滴晒汗。

騎呢人配騎呢命格最夾

原來兩人認識由陳定幫做媒,當日兩人在evevt認識,Alex表示想睇陳定幫,由Jinny安排,之後陳定幫推介Jinny話:「呢男仔得,同你夾喎,而且好就你,畀你搓完壓扁,尤其女人,要搵好錫自己嘅男人會幸福啲。」陳定幫補充話,有啲人有特別感情命格,所謂騎呢人要配騎呢命格,好似兩條蛇纏埋一齊就分唔開,Jinny啱搵個外地人,或年紀有距離。雖然「巨門化忌」夫妻宮會吵架吵到七彩,但互寸可以化解。何兆鴻忍唔住爆句:「我冇寸過佢,係被寸!」陳定幫即打圓場:「夫妻有幽默感好啲!」Alex繼續好不滿話:「佢(吳若希)冇幽默感,一嚟就乸埋塊面。」

 

懷恨老公婚前周圍送花

講到情人節,吳若希話每年老公要送花,但又想當年,令她嬲到震,火爆地再數老公:「當年佢追我時身在澳門,但同時間送咗99枝玫瑰畀第二個女仔,而佢又透過香港朋友送18支藍玫瑰畀我,99枝同18枝對比,你話我有乜感覺呀?許廷鏗仲好刻薄話,『佢買咗99 枝花,係咪送咗18枝畀人,其他唔知送畀邊個,所以送畀你呀?』雖然好好笑,但我愈諗愈嬲!𠵱家都想爆粗!你解釋吓點解咁做,係咪錢多呀?」Alex面紅紅說:「唔係,漁翁撒網係每個男人未結婚前做嘅嘢…」吳若希即提高聲調指罵老公:「我想講,想玩感情,唔好對住一個認真嘅人玩,玩完之後,如果唔離婚,我希望之後玩你50年!」搞到坐中間的陳定幫不知所措說:「我都唔知講乜…滴汗!」吳若希再說:「我又有嘢講,有次我大肚時佢幫我剥蝦,我不停Keep住張嘴話蝦蝦蝦…突然佢好躁底話『等吓啦!應份㗎!』但有晚我哋同幫幫及Bob一家飯聚,佢反而主動同幫幫師傅剥蝦殼!」Alex解釋:「因為我當時剝咗好多隻,佢不停『蝦蝦蝦』,我又要快剥,個女又食緊飯,有碗飯又未食,所以躁咗,事後我有道歉。」




吳若希當眾黑面質問老公何兆鴻,當日追佢時點解仲周圍送花媾女?
吳若希當眾黑面質問老公何兆鴻,當日追佢時點解仲周圍送花媾女?
吳若希「懷恨」在心,揚言之後玩返老公50年。
吳若希「懷恨」在心,揚言之後玩返老公50年。

和諧夫妻牀單被鋪一致

吳若希經常係IG數老公不是,幫幫師傅問Alex會否嬲?Alex坦言:「睇到嗰刻梗係感覺唔係咁良好啦!」吳若希反問:「我爆你啲嘢前,你有冇諗過你做錯嘢先?」Alex死晒狗話有:「所以我冇嬲過你,我經已去到我唔睇地步,係朋友轉畀我,尤其老婆幫我生第2個,記性特別差,等我慢慢行開,或者慢慢畀佢趕走一陣,佢瞓醒就冇事,唔出聲係最好表達。」陳定幫提醒夫婦們,牀單被鋪要一致,感情會較和諧,最重要牀頭板唔好有鎅開紋,否則代表有裂痕。

 

大爆閨房磨腳捽頸秘密

吳若希又不滿瞓覺時老公會背向她撳電話,唔太理她:「我反而會向住佢,然後伸腳去磨佢腳腳,佢唔畀我磨,我會好躁底,瞓唔著!」何兆鴻帶點不滿說:「我第日要返工,要搵最快瞓覺方法,佢磨腳又捽我手臂同頸,搞足粒幾鐘都,佢先瞓得著,我好痛苦。」

何兆鴻被問到一臉尷尬。
何兆鴻被問到一臉尷尬。
何兆鴻惟有「死晒狗咁」繼續死撐。
何兆鴻惟有「死晒狗咁」繼續死撐。
大女Giselle都有入鏡,吳若希即母性大發。
大女Giselle都有入鏡,吳若希即母性大發。
陳家幫有份參與TVB賀歲節目《天天開運王》。
陳家幫有份參與TVB賀歲節目《天天開運王》。
吳若希一家4口表面上都幾溫馨㗎!
吳若希一家4口表面上都幾溫馨㗎!
兩公婆成日開火,喺幫幫師傅眼中屬騎呢感情命格。
兩公婆成日開火,喺幫幫師傅眼中屬騎呢感情命格。
幫幫師傅係事業有成嘅男人,仲係暖男老公兼好爸爸。
幫幫師傅係事業有成嘅男人,仲係暖男老公兼好爸爸。
陳定幫最近開咗個講吓風水玄學頻道。
陳定幫最近開咗個講吓風水玄學頻道。
陳家幫、吳若希及林盛斌一家常飯聚。
陳家幫、吳若希及林盛斌一家常飯聚。
關鍵字

最新回應

關鍵字

相關新聞

熱門文章