星岛日报

衣柜全是老婆啲衫 陈柏宇新年愿望:执乾净间屋

2021-02-13 17:03
陈柏宇夫妇享受带囡囡亲亲大自然。
陈柏宇夫妇享受带囡囡亲亲大自然。

陈柏宇(Jason)与太太符晓薇(Leanne)日前带女儿陈羿辰(Abigail)接受访问,趁牛年到郊外喂牛。两公婆表示很享受每次带女儿亲亲大自然,Leanne谓:「我哋好多时都想带Abi出去户外活动,又或者去吓主题乐园,可惜遇上疫情,乐园亦关闭,所以都好无奈!」谈及过年节目,Jason表示:「通常有一日会去我屋企人度,以往系喺酒楼团拜,然后有一日可能就去Leanne屋企拜年!至于Abi逗嘅利是当然有帮佢储起,已经帮佢开咗个私人户口,啲利是钱会放晒入去!」
至于新年愿望,Jason鬼马表示:「希望新一年执乾净啲间屋,哈哈!我哋屋企每一样酱料都有,然后我每几个月就会望一望啲酱料睇吓过咗期未,过期就会全部掉晒佢,然后再添置新嘅,所以屋企啲酱每几个月会换一次!仲有屋企个衣柜呀,大部分都系Leanne啲衫,留咁多衫喺度,一年着得几多次先?」Leanne闻言即笑说:「所以我好惊Jason执屋!佢问我要唔要,我梗系话要啦!」

陈柏宇夫妇享受带囡囡亲亲大自然。
陈柏宇夫妇享受带囡囡亲亲大自然。
陈柏宇爆衣柜都是老婆的衫。
陈柏宇爆衣柜都是老婆的衫。

最新回应

關鍵字

相關新聞

热门文章