【關結婚事?】網友「召喚」馬國明撐住 湯洛雯忽然出Po嘆遇荊棘

2021-02-11 13:42
靚湯有感而發於IG留言,話遇到荊棘和坎坷。
靚湯有感而發於IG留言,話遇到荊棘和坎坷。

湯洛雯(靚湯)與馬國明(馬明)自去年6月公開戀情後,愈愛愈高調,仲經常於社交網隔空傳情閃盲一班網民,難怪拍拖一年未夠便屢傳婚訊。早前,有報道指兩人將於今年拉埋天窗,湯爸更以靚湯名義購入約2千呎的馬鞍山雲海別墅Lily Avenue單號別墅,作為超豪嫁妝,後來靚湯也於IG Story放聲氣,揚言:「既然你哋咁想,如果,我係話如果呀吓,佢今年冧莊(視帝),就結啦!」

靚湯有感而發於IG留言,話遇到荊棘和坎坷。
靚湯有感而發於IG留言,話遇到荊棘和坎坷。
不過靚湯稱風雨過後,一定會有美麗的彩虹。
不過靚湯稱風雨過後,一定會有美麗的彩虹。

可惜獲全城集氣,馬明最終都失落今屆視帝,無法「找數」的靚湯近日接受邵氏節目《Master's Talk》時,就大呻被催婚催到厭,仲忍唔住開口話:「人哋都未求婚,咁我點答你啫?訂婚一定會講,大家唔使再問,一定公開。」來到鼠年最後一日,靚湯忽然有感而發於IG留言:「人在路途,難免會遇到荊棘和坎坷,但風雨過後,一定會有美麗的彩虹,更好的一定在前面等着我們,只要相信。 #感謝和感恩2020帶給我的一切 #得到的失去的 #讓我們更珍惜身邊的一切 #預祝新年快樂 #一定會好起來 #lawofattraction #throwback」

網民「召喚」馬明為靚湯打氣。
網民「召喚」馬明為靚湯打氣。
馬明日前出Po表示,每天在工作中渡過,但覺得感恩、幸福、滿足,關唔關女友事呢?
馬明日前出Po表示,每天在工作中渡過,但覺得感恩、幸福、滿足,關唔關女友事呢?

一班網民即「召喚」馬明為她打氣:「有馬明同你撐過去嘛」、「有馬明,明天會更好」、「我收到風,馬國明年會有動靜」、「你背後的男人永遠都支持你」等,亦有人繼續催婚,期待「湯馬」今年有好消息公布。至於男主角馬明,就以一貫作風用6個「戴超型樣」及「手瓜」Eomji回覆女友。

靚湯與馬明自去年6月公開戀情後,屢傳婚訊。
靚湯與馬明自去年6月公開戀情後,屢傳婚訊。
關鍵字

最新回應

關鍵字

相關新聞

熱門文章