大肚獲公主式伺候　湯怡過大禮全程齋坐唔畀郁

湯怡與麥秋成上月底宣佈結婚兼懷孕，並將於本月內舉行小型婚禮，而今午他們也跟足傳統，已完成過大禮儀式，湯怡與一張大枱都擺唔晒的大禮合照，當中包括大筒花膠、瑤柱花菇、龍鳳鈪、金豬牌、首飾、中式禮餅、巨型生果籃、紅酒、椰子等，甚有睇頭！

目前佗B三個多月的湯怡全程齋坐，就算想幫手都冇人夠膽畀嘢她做，她說：「呢段時間大家都當我公主咁對待。（身體狀況？）感覺好奇妙，我都好興奮，暫時未緊張，仲同家姐、朋友傾吓生完會點，又睇好多媽媽書、補充好多Supplement，希望有足夠營養畀BB。」麥秋成回覆傳媒稱心情非常興奮，這段時間一邊工作一邊忙着籌備婚禮，除了好多細節要安排，再加上限聚令，真的忙不過氣。幸胞弟秋明是Wedding Planner減少了很多煩惱，他說：「最緊要家怡同屋企人開心滿意。當一切安排好，稍後我哋會公佈婚禮儀式日子，同各位分享我哋嘅快樂。」並盼與湯怡增加多點知識，做一個稱職的父母。