【記得找數】為馬明再封視帝拉票 湯洛雯：佢今年冧莊就結啦

馬國明與湯洛雯去年認愛後，一直愛得高調，更屢傳婚訊，最近更有指馬明已成功求婚，故經常與靚湯到馬鞍山視察愛巢。踏入2021年，靚湯在限時動態祝大家新年快樂，又鬼馬地以「細字」寫道：「既然你哋咁想，如果，我係話如果呀吓，佢今年冧莊（視帝），就結啦😜」，網民隨即起哄要投馬明一票，又著靚湯屆時記得「找數」！
另一邊廂，馬明舊愛黃心穎雖然復出幕前遙遙無期，但大時大節總會更新社交網站，昨晚便上載在家中玩狗的照片，足足年多冇工開，似乎生活依然富貴，果然財來自有方！