【獨家】牛年願望MIRROR齊拍劇 姜濤 AL Edan Jer寫揮春同Fans拜早年

2021-02-09 21:27
姜濤、AL、Jer和Edan親自創作揮春向《頭條日報》讀者送上祝福。
姜濤、AL、Jer和Edan親自創作揮春向《頭條日報》讀者送上祝福。

鼠年是MIRROR豐收一年,成員姜濤、Anson Lo(盧瀚霆)、Edan(呂爵安)同Jer(柳應廷)個人成績亦相當突出,特別是攞獎攞唔停的姜濤,但他講到牛年願望,就話健康緊要過成績,即俾其餘三子笑他攞獎太多要唞唞。而展望牛年,四子除了在音樂上繼續努力外,亦對劇集方面愈來愈有興趣,希望自己參與劇集有好成績外,更期望MIRROR可以齊腳演戲。趁住踏入新一年,四子親自創作揮春向《頭條日報》讀者送上祝福,不過他們邊寫邊鬥嘴互窒,《頭條》送番句「一團和氣」給他們!撰文:杜淑霞 攝影:張詠森 髮型:Lydia Yung、Denny Ku@Chic Private I Salon 化妝:Circle Chong、Cori Wing@AnnieG.Chan Makeup 服裝:CERRUTI 1881、Christian Louboutin(姜濤)

姜濤、AL、Jer和Edan親自創作揮春向《頭條日報》讀者送上祝福。
姜濤、AL、Jer和Edan親自創作揮春向《頭條日報》讀者送上祝福。
AL對寫揮春最有信心,原來他書法比賽攞過獎,更即場教兄弟正確揸毛筆姿勢。
AL對寫揮春最有信心,原來他書法比賽攞過獎,更即場教兄弟正確揸毛筆姿勢。



四子完成自創揮春,Edan最識賣口乖,寫了「心想事成」,但個心是畫出來,裏面仲寫上「ViuTV」,喻意大家心想事成外,亦希望大家愛「ViuTV」。Jer用自己名創作「廷不了的風采」,希望大家牛年都會有停不了的風采啦!書法了得的AL亦用自己名創作「永不霆止」,喻意大家牛年不停有好事發生。至於姜濤的揮春創意太高,最初大家睇唔明,只估到頭兩個字是「桃花」,最尾大家以為他畫了隻豬,原來是汪汪叫的狗,喻意「桃花旺旺」。要他們互選第一,三子都揀了自己,只有AL有姜B支持,結果當然俾Jer同Edan怪唔跟大隊,四個大細路不停互窒鬥咀!講到MIRROR牛年願望,他們想一齊演戲。姜B說:「希望我哋12個有個劇,希望今年畀大家睇到,我覺得幾好玩。」AL就提議,「大家一齊做舞台劇嗰啲,大家投入做一件事會好開心。」

見AL毛筆寫得咁靚,搞到姜濤心郁郁想叫他出貓寫,不過由於全程拍住唔夠膽,加上比賽要在3分鐘內寫完揮春,AL一句「出貓都要搞掂自己先啦!」令姜B冇癮放棄!
見AL毛筆寫得咁靚,搞到姜濤心郁郁想叫他出貓寫,不過由於全程拍住唔夠膽,加上比賽要在3分鐘內寫完揮春,AL一句「出貓都要搞掂自己先啦!」令姜B冇癮放棄!
姜濤的自創揮春「桃花旺旺」,畫了個桃、花及狗仔,需要豐富聯想力,大家最初睇唔明。
姜濤的自創揮春「桃花旺旺」,畫了個桃、花及狗仔,需要豐富聯想力,大家最初睇唔明。



姜濤畀兄弟笑攞獎多擔正港版《大叔的愛》男主角、新歌《E先生連環不幸事件》點擊過88萬以及有份主持的《膠戰》成ViuTV收視冠軍宣佈開拍第二季的Edan話,《膠戰》有好成績覺得出乎意料,「估唔到大家咁鍾意,同埋落實開第二季都好開心,仲有劇拍,有個綜藝,希望牛年可以繼續加油!」不過他反而對獎項冇乜所謂,「今年新人競爭好激烈,另外要同各位好唱得嘅新人相比,自己喺唱功方面稍遜色,對獎項冇好大期望。」舊年奪得「叱咤新人金獎」被隊友封為「金Jer」的Jer,目標是做好每首歌,即俾Edan寸「即係上年目標唔係做好每隻歌」,Jer解釋:「我唔會因為上年攞咗獎,想今年攞到咩獎,淨係抱住一個做好歌嘅心態去做好每首歌。」



去年奪得「十大中文金曲新人金獎」的AL,他坦承在台灣拍劇時跟Stanley對唱練歌有效,但同住的姜濤話唔知,搞到AL沒好氣話:「咩唔知呀!有次佢(姜)瞓緊,打電話叫好嘈,跟住出嚟問頭先把聲係咪你。(姜:係!好聽到嘈醒咗,好聽到我懷疑係咪Anson Lo!)」此外AL亦想多拍劇及演技有進步。鼠年攞了幾個音樂大獎的姜濤,呻新年願望俾大家講晒,竟無厘頭話:「我金牛座,同牛年有冇關係,唔關事?!」姜B話牛年願望:「希望大家健健康康,成績喺呢啲面前都唔係太緊要。」Jer笑指:「攞得太多獎!」AL補多句,「畀佢唞吓先!」Edan亦唔執輸,「唔好意思,佢太耐冇講過嘢。」

因姜濤將自己一票投了AL,結果揮春創作大賽由AL勝出。
因姜濤將自己一票投了AL,結果揮春創作大賽由AL勝出。
姜濤、AL和Jer今年樂壇頒獎禮都有好成績。
姜濤、AL和Jer今年樂壇頒獎禮都有好成績。
AL和Edan最近跟黃德斌合拍港版《大叔的愛》,成為熱話。
AL和Edan最近跟黃德斌合拍港版《大叔的愛》,成為熱話。
繼大受歡迎的劇集《男排女將》,四子都話好想今年能齊腳演戲。
繼大受歡迎的劇集《男排女將》,四子都話好想今年能齊腳演戲。
姜濤去年在台灣拍偶像劇《超感應學園》,令他愛上拍劇。
姜濤去年在台灣拍偶像劇《超感應學園》,令他愛上拍劇。
關鍵字

最新回應

關鍵字

相關新聞

熱門文章