【獨家】整湯丸冧男友沈震軒 陳欣妍牛年望跟許光漢拍偶像劇

2021-02-09 21:00
Shirley希望牛年有更多演出機會,自然財源滾滾來。
Shirley希望牛年有更多演出機會,自然財源滾滾來。

陳欣妍(Shirley)在鼠年可謂愛情事業兩得意,跟沈震軒(Sammy)拍拖兩年多一直甜蜜,事業亦令Shirley喜出望外;展望牛年她當然想食住個勢,仲表明想跟台灣男神許光漢合拍偶像劇。而出名煮得的Shirley親自教整「綠茶流心湯丸」,除了用來冧男友外,還預祝《頭條日報》讀者有個甜蜜蜜的情人節和新一年。撰文:杜淑霞 攝影:張詠森 髮型:Jo lam@salon Trinity 化妝:Winki@vinciwinki.com 服裝:b+ab場地:Seaview Viva

Shirley希望牛年有更多演出機會,自然財源滾滾來。
Shirley希望牛年有更多演出機會,自然財源滾滾來。
Shirley只用糯米粉搓湯丸皮,但一樣好煙韌,秘訣就是搓好麵團後,將6粉1放入滾水煮熟後,再攞起一齊再搓。
Shirley只用糯米粉搓湯丸皮,但一樣好煙韌,秘訣就是搓好麵團後,將6粉1放入滾水煮熟後,再攞起一齊再搓。



Shirley一手好廚藝原來師承當廚師的陳爸爸,「佢煮中餐嘅,所以我就食慣好嘢,敏銳嘅味覺係遺傳自己爹哋嘅手藝。」原來平日男友Sammy都有受惠她的好廚藝,「不過佢對食冇乜要求,最緊要有午餐肉。」但用綠茶做饀靈感也是來自男友,「湯丸係整畀大家一雙一對食團團圓圓,但男仔驚食好甜嘅嘢,綠茶啱啱好,男女都鍾意。(Sammy鍾意?)佢都鍾意。(男友食唔到?)可以速遞畀佢!」

饀料預先用白朱古力同牛油隔熱水整溶後,加入綠茶粉攪混放入雪櫃凝固,搓好湯丸皮就放入內,煮熟後就會有流心效果。
饀料預先用白朱古力同牛油隔熱水整溶後,加入綠茶粉攪混放入雪櫃凝固,搓好湯丸皮就放入內,煮熟後就會有流心效果。
雖然Sammy情人節仍在內地拍劇,但Shirley冧爆話:「我哋又可以視像見面嘛!」
雖然Sammy情人節仍在內地拍劇,但Shirley冧爆話:「我哋又可以視像見面嘛!」



談到鼠年,Shirley會用喜出望外來總結上年事業發展,「因為我冇計劃過可以喺電視台亮相,都係一個驚喜,當初去ViuTV casting電視劇《黑巿》時,撞到朋友拉咗去《辣火頭》嗰邊casting,之後就再有《美女郊遊遊》。舊年嘅巿況下拍電影已經好開心,估唔到拍到香港同印度合拍片(《我男友係好「差」》),突然間令到好多印度觀眾認識咗我,不停追蹤我,又會留言。」



對於新一年,Shirley除了想keep住個勢,仲想有更多新嘗試,「我想拍多啲電影,想試多啲唔同角色,其實今年喺年尾拍咗套喜劇《忽然心動》,今年試過喜劇又試過Bollywood,希望下年可以試吓啲武打,做吓女殺手嗰啲。」劇集方面Shirley恨拍類似《想見你》的偶像劇,男主角最好是男神許光漢,「我都驚畀佢啲粉絲鬧,各位許太我想澄清吓,我純粹想同佢拍劇。(仲扮到學生?)只要淡妝啲唔好畫眼線仲得嘅,但要把握呢幾年。」至於綜藝方面她就想試流浪形式的旅遊節目,「身上冇錢以物換物嗰啲,我好想自己試吓。」

Shirley跟Sammy在17年合作微電影《狼人遊戲》而撻着。
Shirley跟Sammy在17年合作微電影《狼人遊戲》而撻着。
今年《我男友係好「差」》將在印度上映,Shirley好希望到時疫情穩定可以親自到當地宣傳。
今年《我男友係好「差」》將在印度上映,Shirley好希望到時疫情穩定可以親自到當地宣傳。
去年Shirley憑ViuTV節目《美女郊遊遊》而彈起。
去年Shirley憑ViuTV節目《美女郊遊遊》而彈起。
關鍵字

最新回應

關鍵字

相關新聞

熱門文章