【独家】牛年愿望MIRROR齐拍剧 姜涛 AL Edan Jer写挥春同Fans拜早年

鼠年是MIRROR丰收一年，成员姜涛、Anson　Lo（卢瀚霆）、Edan（吕爵安）同Jer（柳应廷）个人成绩亦相当突出，特别是攞奖攞唔停的姜涛，但他讲到牛年愿望，就话健康紧要过成绩，即俾其馀三子笑他攞奖太多要唞唞。而展望牛年，四子除了在音乐上继续努力外，亦对剧集方面愈来愈有兴趣，希望自己参与剧集有好成绩外，更期望MIRROR可以齐脚演戏。趁住踏入新一年，四子亲自创作挥春向《头条日报》读者送上祝福，不过他们边写边斗嘴互窒，《头条》送番句「一团和气」给他们！撰文：杜淑霞 摄影：张咏森 发型：Lydia Yung、Denny Ku@Chic Private I Salon 化妆：Circle Chong、Cori [email protected] Makeup 服装：CERRUTI 1881、Christian Louboutin(姜涛)

四子完成自创挥春，Edan最识卖口乖，写了「心想事成」，但个心是画出来，里面仲写上「ViuTV」，喻意大家心想事成外，亦希望大家爱「ViuTV」。Jer用自己名创作「廷不了的风采」，希望大家牛年都会有停不了的风采啦！书法了得的AL亦用自己名创作「永不霆止」，喻意大家牛年不停有好事发生。至于姜涛的挥春创意太高，最初大家睇唔明，只估到头两个字是「桃花」，最尾大家以为他画了只猪，原来是汪汪叫的狗，喻意「桃花旺旺」。要他们互选第一，三子都拣了自己，只有AL有姜B支持，结果当然俾Jer同Edan怪唔跟大队，四个大细路不停互窒斗咀！讲到MIRROR牛年愿望，他们想一齐演戏。姜B说：「希望我哋12个有个剧，希望今年畀大家睇到，我觉得几好玩。」AL就提议，「大家一齐做舞台剧嗰啲，大家投入做一件事会好开心。」

姜涛畀兄弟笑攞奖多担正港版《大叔的爱》男主角、新歌《E先生连环不幸事件》点击过88万以及有份主持的《胶战》成ViuTV收视冠军宣布开拍第二季的Edan话，《胶战》有好成绩觉得出乎意料，「估唔到大家咁锺意，同埋落实开第二季都好开心，仲有剧拍，有个综艺，希望牛年可以继续加油！」不过他反而对奖项冇乜所谓，「今年新人竞争好激烈，另外要同各位好唱得嘅新人相比，自己喺唱功方面稍逊色，对奖项冇好大期望。」旧年夺得「叱咤新人金奖」被队友封为「金Jer」的Jer，目标是做好每首歌，即俾Edan寸「即系上年目标唔系做好每只歌」，Jer解释：「我唔会因为上年攞咗奖，想今年攞到咩奖，净系抱住一个做好歌嘅心态去做好每首歌。」



去年夺得「十大中文金曲新人金奖」的AL，他坦承在台湾拍剧时跟Stanley对唱练歌有效，但同住的姜涛话唔知，搞到AL没好气话：「咩唔知呀！有次佢（姜）瞓紧，打电话叫好嘈，跟住出嚟问头先把声系咪你。（姜：系！好听到嘈醒咗，好听到我怀疑系咪Anson Lo！）」此外AL亦想多拍剧及演技有进步。鼠年攞了几个音乐大奖的姜涛，呻新年愿望俾大家讲晒，竟无厘头话：「我金牛座，同牛年有冇关系，唔关事？！」姜B话牛年愿望：「希望大家健健康康，成绩喺呢啲面前都唔系太紧要。」Jer笑指：「攞得太多奖！」AL补多句，「畀佢唞吓先！」Edan亦唔执输，「唔好意思，佢太耐冇讲过嘢。」