【獨家】不知KLAU本為隊友 P1X3L望靠實力踢走負評

2021-02-08 23:05
P1X3L坦承不知KLAU本為隊友,未來他們希望靠實力踢走負評。
P1X3L坦承不知KLAU本為隊友,未來他們希望靠實力踢走負評。

由環球唱片及ViuTV合作打造首隊男團P1X3L,成員包括《全民造星II》冠軍Phoebus(吳啟洋)、George(歐鎮灝)和Marco(葉振弘),最近推出首支單曲《BRACELESS》。對於KLAU(劉瑞祈)本來有機會做成員,他們都是看報道才知。談到未來目標,他們期望能奪新人獎,更想靠實力和表現踢走種種負評,而他們又即場發揮另類團隊精神。撰文:杜淑霞 攝影:張詠森 髮型:Him Ng@The Attic 化妝:Angel Mok 場地:The AIR (The ONE)

P1X3L坦承不知KLAU本為隊友,未來他們希望靠實力踢走負評。
P1X3L坦承不知KLAU本為隊友,未來他們希望靠實力踢走負評。
P1X3L成員全部《造星II》出身,包括冠軍24歲Phoebus(中)、22歲George(左)和20歲Marco。
P1X3L成員全部《造星II》出身,包括冠軍24歲Phoebus(中)、22歲George(左)和20歲Marco。



三子參加《造星II》之後,相隔一年才正式出道,他們解釋因疫情有一定影響,George說:「其實我同Phoebus係完咗《造星II》之後,拍咗綜藝節目,之後公司有畀資源我哋培訓,一齊上做戲堂,唱歌跳舞公司都有安排,之後就定咗個《大海男兒》。」至於Marco坦承是後期再加入,「係拍《大海男兒》前兩個月先至join,嗰時問我想唔想同佢哋合作,男團係我自己(G:FF)係!哈哈!」對於KLAU放棄加入,他們全不知情,George解釋:「我哋係透過報道導出嚟先知,公司唔會同你講諗住人選係點。」

《BRACELESS》主題是不要隨波逐流做自己,亦P1X3L未來發展方向。
《BRACELESS》主題是不要隨波逐流做自己,亦P1X3L未來發展方向。
為拍新歌《BRACELESS》MV,三子要在兩星期內排好舞,他們坦承有當日參加《造星II》感覺。
為拍新歌《BRACELESS》MV,三子要在兩星期內排好舞,他們坦承有當日參加《造星II》感覺。



講到未來目標,George坦承最想P1X3L能夠攞到新人獎,「始終如果攞到起碼得到人哋嘅認同先啦!始終我哋嘅負評比較多,希望透過呢首歌改變我哋嘅形象。」George坦言由參賽以來,一直受「花姐契仔」傳聞困擾,「都係嗰樣『契仔』,首先我哋都唔再歸花姐,我哋唔會搶資源先,當然我哋唱片公司係環球會分啲資源畀我哋,我哋唔會同MIRROR爭任何嘢。」Phoebus只望大家睇到他們用心,「唔係想同人哋講我哋有幾努力,但每一個作品或者喺ViuTV嘅綜藝,或者未來嘅歌、表演,每一樣都畀大家睇到我哋P1X3L係有下苦功,唔係講咁樣。」

講到三人分工,他們沒有定隊長,因不想依賴某個人,但Phoebus直言:「George緋聞嗰啲就留番畀George搞。」記者追問所指是否岑日珈?George即尷尬否認,但Phoebus再加多腳,「但係我頭先喺車見你WhatsApp嗰個叫Angie(岑的英文名)喎!」George指因兩人將合作新節目,Phoebus見George咁認真解話,即笑說:「我冇睇到,你做咩認咗!」激得George彈起,這種另類團隊精神都幾特別喎!

成軍前P1X3L已合作真人騷節目《大海男兒》。
成軍前P1X3L已合作真人騷節目《大海男兒》。
George跟Angie(左一)合作節目《娛樂ON AIR》熟絡,而被指撻着。
George跟Angie(左一)合作節目《娛樂ON AIR》熟絡,而被指撻着。
早前在《造星III」總決賽,兩屆冠軍姜濤和Phoebus難得同台。
早前在《造星III」總決賽,兩屆冠軍姜濤和Phoebus難得同台。
關鍵字

最新回應

關鍵字

相關新聞

熱門文章