星島日報

冒寒拍新歌MV Anson Lo密集式勁舞跳到嘔

2021-02-06 12:08
Anson Lo在10度低溫下以單薄襯衣上陣。
Anson Lo在10度低溫下以單薄襯衣上陣。

人氣男團MIRROR成員Anson Lo(盧瀚霆)推出本年度首支跳唱快歌《EGO》,歌曲意旨在現今科技發達情況下,遇上網絡欺凌及語言攻擊時,不要輕易放棄及灰心,鼓勵人與人之間要互相尊重及諒解。為配合歌曲主題,新歌MV滲入科幻及暗黑元素,Anson Lo日前在攝氏10度的低溫下,冒寒到屯門拍攝MV,期間他不僅以單薄襯衣上陣,還要坐電椅,不過最令Anson Lo辛苦,莫過於密集式的勁舞,難怪他表示在排練時曾經跳到嘔。
當日又跳又唱拍足16小時,雖然Anson Lo未有言倦,但表示今次舞步是入行以來最辛苦的一次:「在舞步上,可能我跟排舞導師傾嘅時候,透露過想要一隻密集式同超大動作的舞蹈,有一種盡量唔好停頓嘅感覺,老師真係排咗隻同我講法一樣嘅舞。哈哈,雖然我有少少後悔,但今次係一個好嘗試,平時上到舞台,可能要兼顧好多嘢,所以舞蹈上減弱少少,今次呢隻舞可以話係All in,毫無保留咁跳畀大家睇。」

Anson Lo在10度低溫下以單薄襯衣上陣。
Anson Lo在10度低溫下以單薄襯衣上陣。
仲要密集式勁舞跳到嘔。
仲要密集式勁舞跳到嘔。


為了今次舞步,Anson Lo事前排足四日,在排舞期間更試過跳到嘔。他說:「排舞去到中段時,有種負苛唔到嘅感覺,有一兩次仲排舞排到嘔,一氣呵成跳晒成隻舞,感覺好似跑馬拉松後好氣喘、完全唔想講嘢嘅狀態,所以今次隻舞係好好訓練體能或減肥嘅方法。」

其實今次除了跳舞,Anson Lo還要冒寒上陣,拍攝MV當日正值嚴寒,只有攝氏10度。問到如何禦寒?Anson Lo說:「本身唔係好怕凍,比起我身邊朋友,我係最耐寒嗰個,但今次拍MV真係好凍,其中一幕我仲要淨係着住件黑色恤衫,完全冇打底,望到周圍工作人員都着住羽絨,對比自己感覺好凍。」

Anson Lo自爆曾要求一種盡量不要停頓感覺的編舞。
Anson Lo自爆曾要求一種盡量不要停頓感覺的編舞。
笑言有點後悔。
笑言有點後悔。

坐電椅
坐電椅
一氣呵成跳完舞,Anson Lo感覺似跑馬拉松後好氣喘、完全不想說話狀態。
一氣呵成跳完舞,Anson Lo感覺似跑馬拉松後好氣喘、完全不想說話狀態。
Anson Lo的新歌主題涉及網絡欺凌及語言攻擊。
Anson Lo的新歌主題涉及網絡欺凌及語言攻擊。

最新回應

關鍵字

相關新聞

熱門文章