冒寒拍新歌MV Anson Lo密集式劲舞跳到呕

人气男团MIRROR成员Anson Lo（卢瀚霆）推出本年度首支跳唱快歌《EGO》，歌曲意旨在现今科技发达情况下，遇上网络欺凌及语言攻击时，不要轻易放弃及灰心，鼓励人与人之间要互相尊重及谅解。为配合歌曲主题，新歌MV渗入科幻及暗黑元素，Anson Lo日前在摄氏10度的低温下，冒寒到屯门拍摄MV，期间他不仅以单薄衬衣上阵，还要坐电椅，不过最令Anson Lo辛苦，莫过于密集式的劲舞，难怪他表示在排练时曾经跳到呕。
当日又跳又唱拍足16小时，虽然Anson Lo未有言倦，但表示今次舞步是入行以来最辛苦的一次：「在舞步上，可能我跟排舞导师倾嘅时候，透露过想要一只密集式同超大动作的舞蹈，有一种尽量唔好停顿嘅感觉，老师真系排咗只同我讲法一样嘅舞。哈哈，虽然我有少少后悔，但今次系一个好尝试，平时上到舞台，可能要兼顾好多嘢，所以舞蹈上减弱少少，今次呢只舞可以话系All in，毫无保留咁跳畀大家睇。」

为了今次舞步，Anson Lo事前排足四日，在排舞期间更试过跳到呕。他说：「排舞去到中段时，有种负苛唔到嘅感觉，有一两次仲排舞排到呕，一气呵成跳晒成只舞，感觉好似跑马拉松后好气喘、完全唔想讲嘢嘅状态，所以今次只舞系好好训练体能或减肥嘅方法。」

其实今次除了跳舞，Anson Lo还要冒寒上阵，拍摄MV当日正值严寒，只有摄氏10度。问到如何御寒？Anson Lo说：「本身唔系好怕冻，比起我身边朋友，我系最耐寒嗰个，但今次拍MV真系好冻，其中一幕我仲要净系着住件黑色恤衫，完全冇打底，望到周围工作人员都着住羽绒，对比自己感觉好冻。」