佗B余香凝搞生日P乘機催婚 陳詩欣28歲牛一男友攬住錫
2020-12-29 17:05 
今日是是陳詩欣28歲生日，昨晚有家人為她準備生日蛋糕慶生，今日又有兩位好姊妹余香凝(Jennifer)和鄧穎堯(Yoyo)為她大搞生日會。為慶祝詩欣生日，兩位懷有身孕的好姊妹都特意為壽星女悉心佈置，準備食物，可見她們姊妹情深。
Jennifer今日分享三人合照，更乘機催壽星女結婚生B，留言：「每年同大家慶祝生日，嗰種期待已經等於一個節日。今年疫情冇得出街食飯，為咗公主開心，我哋都準備咗好多嘢，仲準備多咗兩個人仔陪佢過生日。呢張相有五個人。差你咋！快啲！契媽 祝妳要乜有乜。」Yoyo亦有發文祝詩欣生日快樂，一年比一年幸福。詩欣搞笑留言：「最慘係成日問我今個月有冇姨媽到 煩！」
合照可見，懷有身孕的Jennifer上圍明顯升cup，身形較之前豐滿，而另一好姊妹Yoyo同樣佗B，但穿上黑色長裙，未見身形有很大變化。其後詩欣亦有分享生日照，其中一張被男友從後熊抱吻賀她，一臉甜笑，大晒恩愛。詩欣與圈外男友陳爾正(Joshua)拍拖兩年，感情穩定，不時在網上放閃。兩人早前被拍到在跑馬地睇樓，未知是否好事近，為結婚做準備。
關鍵字
最新回應