【獨家】【《造星III》決賽花絮】「膠性風」狂吸Fans 「缺眠」CY玩完比賽最想瞓覺
2020-12-28 22:06 
被指由頭Hea到尾及被彭秀慧痛指「爛泥扶唔上壁」的CY（陳澤言）在《造星III》總決賽獲第8名，他分別演唱陳奕迅的《讓我留在你身邊》和Mr.的《如果我是陳奕迅》。他表示《讓》一曲是有特別意義，「想將呢首歌唱畀生命中3個最重要嘅女人聽，佢哋幫咗我好多。」CY強調呢3個人係公眾人物。再問係邊個？佢即以其「膠性風格」斬釘截鐵表示：「秘密。」不過CY昨晚在IG Live已透露三個女人分別係花姐、彭秀慧及經理人，又話秘密嘅陳生?
採訪:杜淑霞、廖思慧
問CY為何選擇該兩首歌參賽？他說是因為網民意見，「好多網民都話我把聲似Eason，但我想話畀觀眾同自己聽，把聲係天生，不過我係做自己，所以一開始已經決定好歌曲。」
正式從《造星III》畢業，坦認自己好攰的CY透露有件事一定要做，「拍攝節目幾個月以嚟冇點放鬆過，每日瞓同休息得幾個鐘，所以呢刻最想去瞓覺！」CY從參賽以來都被指態度麻麻，決賽夜，任評判的ViuTV製作部副總裁金廣誠讚賞CY唱歌有潛質，希望他找到自己風格，並説：「你把聲有少少似Eason嘅初期，我好想你有自己Style出到嚟。」CY諗都冇諗就答：「但係呢個係我把聲嚟喎，我平時講嘢都係咁過喎！」有不少網民都認為CY口直心快，不小心地在言語上冒犯這位ViuTV高層，導致他專業評審部分僅得一分，而有關對答圖在決賽夜後被瘋傳。
雖然被指唔識做人，不過其唔經大腦的戇直性格，反令他極速吸納大量fans，告知他九展場外放滿為他打氣的花籃、易拉架及DIY卡！CY即刻擰轉身望住門口唔知點算，想立即衝出門口睇真啲的想法飄哂出嚟。他好感激fans在社交平台的留言，無論幾攰都會睇晒並逐一回覆！
決賽夜，CY約凌晨12時半離開會埸即被在門外等足一日的一班「龍蝦黨」圍住，眾人在CY應援易拉架前影合照，影完再陪CY等車離開。
最新回應