【獨家】【《造星III》決賽花絮】 彭秀慧送B組女學員過萬首飾兼催淚聖誕咭 卡文着陳柏宇不用太內疚
2020-12-28 16:00 
10強止步的卡文（關嘉敏）以及20強止步的Odi（陳康琪）出席《造星III》總決賽坦承好感觸，除了覺得不捨，亦表示看到這個大舞台好羡慕，不過經過《造星III》洗禮，更有信心行往後的路。她們又透露彭秀慧導師於總決賽當日送給每個B組學員PANDORA首飾及催淚內容聖誕咭作禮物。另外，卡文提到評判陳柏宇在IG Live透露後悔沒投她一票，她認為對比賽沒遺憾，着對方不用太內疚。採訪：杜淑霞、廖思慧
對於最後一次出席《造星III》節目，Odi覺得開心亦不捨，「眨吓眼就完《造星III》，開心戥10強有個好靚嘅句號，亦係我哋嘅new start。」卡文亦認同是個好靚句號，「我哋上台跳番我哋第一次排嘅《前傳》，好似啱啱畫咗一個完美嘅句號，開始同最尾都係呢隻舞。呢段時間我哋成長得好快，我相信同Odi會更加肯定自己，知道未來努力嘅方向。」
卡文及Odi又透露導師彭秀慧勁有心，向Ｂ組每位學員送上PANDORA首飾兼親筆聖誕咭，「彭導好好，送咗每個人一份禮物，女仔係一個心有對翼嘅頸鍊，喻意我哋要飛得更遠，男仔就係有個串飾加手繩，仲每人手寫咗張聖誕咭畀我哋，內容好洋蔥㗎！真係好感動！」記者翻查PANDORA官網，得知該名為「密鑲心形天使之翼項鍊」盛惠港幣799元，B組合共有13個女組員，總數10,387元，彭導相當有心。
講到20強比賽後，評判陳柏宇開IG live公開表示20強比賽後悔投了陳葦璇，而沒投票給卡文，此事令她好開心，「我都入咗佢個live傾，佢都同我講，我哋兩個係好難比較，一個係演繹型，一個係技巧型，所以佢係難評分嘅。但係我喺最尾一round遇到咁強對手，我覺得冇憾，呢個經驗係好深刻，自己係拎得最多嘢嗰個，因為我可以對住個最強嘅對手，我遇強愈強嘅心態，我感受到。我都好多謝柏宇，我亦都唔會唔開心，所以佢都唔好咁內疚。」
最新回應