【眼濕濕】疫情下轉做直播賺錢自救 陳婉婷要十二歲小粉絲送禮接濟

陳婉婷（Hebe）聯同Stella Yeung 楊芷羚、電競KOL蔥蔥、Model 為直播平台拍攝廣告，眾人以Party Look造型上陣，順道補祝聖誕節。Hebe就話疫情初期收入大受影響，被迫轉投主播行列，仲講到眼濕濕：「初時收入真係好差，係佢哋叫我唔好放棄，先撐到𠵱家。𠵱家做直播都叫維持到生活， Fans送禮物畀我再收分成。我記得有個Fans得12歲，我都叫佢只係睇好啦，唔好充值，點知佢用晒利是錢送禮物畀我，最終畀家人發現禁止佢再玩。」

 
離開TVB後她最後一部劇作《堅離地愛堅離地》終見天日，Hebe仲自爆係電視精，一直追睇ViuTv《全民造星3》，尤其好鍾意陳澤言（CY），係她心目中杯茶！但她就冇咁嘅膽量去參賽。