【信心爆棚】入行已經十三年首爭視后龔嘉欣眼濕濕：一步一步捱返嚟

2020-12-16 21:07

《萬千星輝頒獎典禮2020》將於明年1月10日舉行，今日舉行記者會宣布提名名單。龔嘉欣憑藉劇集《殺手》及《香港愛情故事》，先後競逐「最佳女主角」及「最受歡迎電視女角色」，兩劇角色跟演繹都充滿話題性，絕對有機會成為大贏家。龔嘉欣台上為到「視后」拉票，眼濕濕地表示入行已經13年亦是首次提名「視后」，她說：「我真係好鍾意呢份工，其實我唔識做打女，但劇本叫我做就做。好多謝祥哥（黎耀祥）陪我一齊癲。」

龔嘉欣坦言站在台上相當感觸，她說：「即將入行13年，自己唔係選美出身，亦冇人帶入行，係自己一步一步捱返嚟。」她提到兩年前拍《殺手》時的傷勢，至今仍然痛，從沒想過有如此大的後遺症，亦感激台下得到黎耀祥、龔慈恩及陳敏之支持。提到《香港愛情故事》口碑強勁，可覺得會增加得獎機會。她說：「絕對會，呢個好好嘅timing，畀觀眾睇到唔同嘅我。（有信心做大贏家？）唔敢諗太多，每個演員負出好多努力，唔敢貪心。」