【土地問題】上時鐘酒店排隊等洩慾　龔嘉欣羅天宇上演火辣牀戲

由龔嘉欣、羅天宇主演的TVB新劇《香港愛情故事》昨晚首播，該劇貼地寫實，講述年輕與年老一代的戀愛模式，並帶出香港的住屋問題，其中飾演受影響的小情侶嘉欣與天宇，於劇集一開場便要到時鐘酒店輪候3小時「爆房」，正正反映香港土地短缺問題。劇中，二人有多場咀嘴及火辣牀戲，而昨晚一集嘉欣主動推倒天宇激咀，天宇更除剩孖煙囪大騷肌肉！此外，飾演豪放女的王敏奕於劇中，亦分別與黃子恆、黃嘉樂有牀戲。

劇中為買樓而絞盡腦汁的嘉欣，現實中卻是圈中小富婆，剛度過31歲生日的她，更於年初的疫巿下豪擲近千萬買樓，榮升業主。嘉欣自言能「上車」全靠一個「慳」字，多年來密密儲錢，她說：「好耐之前我已經開兩個戶口，一個出糧用，一個儲蓄用，每次一出糧就立即將一半錢轉去儲蓄戶口，平日開支只會用出糧戶口嘅錢，如非必要都唔會用儲蓄戶口嘅錢。」

入行12年仍十分拼搏的嘉欣，每次拍攝都冇Say No，就今年而言，繼《殺手》飾演造型突出的「Dark Angel」，親身上陣多場動作戲，打到七勞八傷後，最近又在《香》劇豁出去，跟羅天宇演出多場情慾戲，非常專業！