【維港會】與弟瞓廳促母裝修 清貧男抱怨要籌謀被轟「學咩獨立」

男網民發文抱怨，指家中空間有限，多年來需要與胞弟同住客廳，他又無財力搬出，他要求母親裝修多劃分兩間細房，不滿母親卻遲遲無行動，抱怨需要親自籌謀，結果反被其他網民批評又無錢又不想付出。

男事主在「香港討論區」透露，家中地方小，只有一間正式的房，多年來都是與弟弟在客廳間隔出一個位，「整趟簾間開張碌架床就算，一啲私人空間都冇，以前細就話啫，宜家都咁大個真係唔係咁好」。

於是事主「同阿媽傾話想裝修下間屋，間多兩間房仔，分開我同細佬，佢都係咁拖話遲啲先，又話佢唔識點同師傅講，又話驚被人搵笨，好想搬走但係我又冇能力，唔知仲要忍呢啲生活幾耐.... 」事主抱怨，「佢（媽媽）而家將個波交哂畀我，話我咁想整叫我自己搵，我響邊度搵啊」。

有網民就提醒，「緊係唔係佢直接同師傅講啦，有室內設計師架嘛，長遠落去點都要整， 緊係早整有早整好啦」；有人建議去連鎖家具店宜家「買啲平櫃，當間牆用，唔駛2萬，如果唔想太厚，買CD櫃間開」

有人則炮轟事主，「如果連依個問題都解決唔到,仲學乜人獨立?個波交哂畀你都叫有得你選擇,人地屋企嘅選擇只有住or quit咋!你好幸運了... 」、「你連搬走都無能力睇怕你都係無諗過出錢裝修㗎啦，錢又唔出就唔好多要求喇，索性捱多幾年儲多啲錢搬走好過啦」。