【維港會】裝修單位雜物堆滿走廊 網民斥自私

隔離鄰舍單位裝修，除了難免要忍耐噪音滋擾，可能連走廊也無得用。有市民日前就在網上群組發帖指，鄰居家中裝修，就將雜物堆出走廊，堆到其他單位家門前，更指已放了4、5日，網民紛紛指情況誇張，擔心引起火災。

網民在「Mei Foo美孚」Facebook群組分享相片，「屋企裝修，煩緊雜物唔知放邊好？唔緊要，放喺走廊咪得囉」。從相片可見，走廊堆滿家私和雜物，部分堆至門口高度，大部分都用塑膠包好及裝入紅白藍膠袋，似是準備搬走。

不少網民留言指非常誇張及自私，「火災點算，徙置區咩! 執屋咋?」、「門邊1米都算……放到人哋門口想點？」、「咁都得，報消防啦」。有人關注放置了多久，認為如只是一兩日可以接受，但發帖網民回覆指已是「4-5日前發現」。另也有人認為應該租迷你倉放置，「當然唔可以擺喺出邊走廊，阻塞着別人，萬一火警會弄至人命」。