【有Tastes喎】兩歲人仔勁有潛質做KOL　林芊妤晒共浴照要經囝囝審批

林芊妤（Coffee）的兒子翟德彥（伯伯）擁有濃眉大眼，加上一副「百厭樣」，深受網民歡迎，Coffee亦有為伯伯開設個人IG帳號，短短兩年，粉絲多達17萬，成為近年最受歡迎的星二代之一。早前Coffee以尊重囝囝私隱為由，宣布暫停更新伯伯的個人ig帳戶，但一向寵愛兒子的她仍然會在自己IG分享與兒子的相處點滴。

Coffee昨日在IG分享與伯伯一同浸泡泡浴的照片，比起平時「賣大包」性感晒33C事業線，照片中的靚媽Coffee僅露香肩，與伯伯浸在浴中大玩自拍，伯伯更玩到成頭泡，儼如戴上白色假髮，相當可愛。

Coffee笑指囝囝很有主見，透露這些照片都要經囝囝審批才可上載，她留言:「我問佢覺得post邊張合照好啲呢（直頭好似當佢大人咁嘅語氣），點知佢真係好認真咁睇咗幾張相，皺眉頭No咗幾次，跟住佢話：This one!!又好似真係最好係呢張喎，我想講佢真係好認真答我嘅問題，Surprise。」網民留言大讚伯伯有眼光，挑選的照片都很可愛，看來伯伯盡得媽媽真傳，有做KOL的潛質。