新劇撼《全民造星III》龔嘉欣硬銷賣點：同羅天宇多激烈牀戲

2020-12-03 00:02

龔嘉欣及羅天宇首做男一的劇集《香港愛情故事》下周一晚上10時半首播，有指無綫用該劇來撼ViuTV重頭節目《全民造星III》，被問到用主演劇集來打仗會否有壓力？嘉欣不覺得係打仗，拍完一個作品咁快推出，反而好開心。

嘉欣馬上硬銷頭炮打仗作品，大讚今次題材好新鮮，係好貼地嘅愛情小品，希望大家鍾意，她更講出劇中賣點：「喺劇中同羅天宇有超過一半係牀戲，預告片已經唔算係唔激，同香港先生冠軍合作，感到有艷福。」

羅天宇說，該劇喺時鐘酒店及太空艙取景感到好新鮮，大開眼界，但最深刻拍攝親熱戲時會接觸到牆或地下，當時個房間好細，工作人員又多，逼喺個房入面真係好熱，流汗流到黐立立好唔舒服。又因拍牀戲，極速拉近咗兩人關係。