萬聖節娛圈Family齊扮嘢周董一家化身愛登士家庭最搶鏡

2020-11-01 18:30

今年萬聖節雖受新冠肺炎疫情影響，但無阻一眾藝人「扮嘢」興致，多個藝人家庭均花盡心機玩Cosplay應節，個個造型都用心打扮，絕不馬虎，可愛、搞笑或驚嚇造型應有盡有，當中以大熱動畫電影《反斗奇兵》(Toys Story)及經典電玩《超級瑪利奧兄弟》的造型最為熱門，好多藝人採用，尋晚蘭桂坊亦一街都係。

周杰倫一家的造型最為特別，他與太太昆凌及一對仔女以黑色喜劇電影《愛登士家庭》(The Addams Family)造型登場。身穿西裝帶著高禮帽的周董黏上八字鬍，而昆凌以一頭超長直髮配蒼白臉色及血紅唇色，與女主角Morticia似到十足十，至於女兒小周周（Hathaway）穿著白領黑洋裝，兒子Romeo則穿上黑白相間的條紋上衣，其中一位朋友更用道具衫扮BB，造型排位跟到足，更不忘找來戲中的「阿手」出場，用心程度絕對是100分，眾人更齊齊擺出電影海報的姿勢，完美複製電影海報的神情及姿態，玩嘢得嚟非常有Heart。

去年上映的動畫電影《反斗奇兵4》(Toys Story4)全球票房突破10億美元（約78億港元），叫好叫座勾起粉絲對《反斗奇兵》系列的集體回憶，日本男星窪塚洋介及林芊妤(coffee)一家都以Toy Story角色造型現身，不過後者表示之前有訂衫for萬聖節用，但到萬聖節都未收到，好彩有朋友訂多咗先有得着。

經典電玩《超級瑪利奧兄弟》多年來都是熱門扮演造型，今年也不例外，台灣女星徐若瑄及香港女星鍾麗淇亦扮演瑪利奧兄弟的可愛角色，45歲前者扮演可愛的綠色烏龜仔Yoshi，5歲囝囝Dalton就扮Mario，而鍾麗淇則化身頭戴綠色帽子的Mario細佬Luigi。

其它扮嘢家庭還有楊洛婷一家、曹敏莉一家、Jessica C.一家及梁靖琪一家等，而吳若希亦幫3歲囡囡Giselle打扮成《反斗奇兵》的牛女翠絲，還有胡杏兒兩位分別扮骷髏人及恐龍仔的公子、扮捉鬼敢死隊的車婉婉兒子BBQ，以及着住小仙女裙仔的陳冠希3歲囡囡Alaia。梁詠琪的5歲囡囡Sofia就有扮暴龍的爸爸陪伴四出向鄰居敲門拎糖，Gigi更留言大讚爸爸真偉大:「Sofia帶埋佢嘅寵物一齊玩 Trick or Treat!」