晒仔女練拳舞劍照片 吳尊揚言唔好恰佢哋
2020-12-02 16:10 
台灣男子組合飛輪海於05年成軍，當年紅到黐線，近年各自單飛，但成員感情依然深厚。成員結婚或生日都會出席慶祝或網上隔空恭喜。
當年最紅嘅吳尊都41歲，近年唔只將仔女掛喺口邊，仲不斷將家庭照放上社交平台，諗起當年佢畀人爆有個女嗰陣鬧晒鬼就好笑，總之而家佢係廿四孝老竇，之前「忍痛」離家飛往內地工作，臨行前更攬實妻女道別。
話咁快吳尊大女吳欣怡(Neinei)及囝囝吳鑫樂(Max)分別10歲及7歲，兩姊弟出鏡率好高，今日靚仔老竇又貼兩姐弟嘅相，相中兩人分別舞緊劍及練緊拳，長腿家姐好有功架，細佬揸拳亦好有勁度，老竇留言話「這一家人可不是開玩笑的，別欺負人啊。」吳尊咁大隻又咁有背景，其實邊有人夠膽蝦佢啲仔女吖。
關鍵字
最新回應