《男排女將》為劇情係咁露肉 陳卓賢半裸晒肌被粉絲讚好
2020-12-02 16:45 
ViuTV原創劇《男排女將》由部分MIRROR成員主演，主打排球題材，青春又熱血。鏡仔們一直都有勤力做Gym，所以初次合體拍劇又點少得晒肌場面！繼Anson Lo（盧瀚霆）在劇中半裸拍攝沖涼戲後，昨晚輪到陳卓賢（Ian）騷肌，裸露上半身的他，令一眾Fans睇到流晒口水！全因Ian在昨晚集數的「露肉」時間不少，由除衫叫球隊助教「安安」余潔瀅洗衫，到遲到被罰掌上壓都是半裸，一眾Hellos（Ian粉絲名）真係有眼福！
Ian亦有在社交網站Post出劇照，他留言：「守身如玉嘅我估唔到第一次拍劇就要挑戰咁大尺度，今次只係為角色做好，大家唔好郁d（啲）叫我露肉喇！」不過大家一於少理，有粉絲更搞笑留言「食咁多雞胸西蘭花都係為咗呢下咋」，暗指Ian其實都好享受晒肌！
關鍵字
最新回應