【台慶夜】好掛住細龍太陳偉琪自爆食穀種要搵工

2020-11-19 22:29

陳偉琪（Vicky）去年10月涉酒後駕駛被捕，之後又被影到與外籍男性友人在夜店飲酒，形象負面傳被無綫將她雪藏，《愛回家》細龍太冇得留底。半年無工開令她打算另謀高就，向多間公關公司寄出個人履歷信求職。陳偉琪今晚以白色低胸透視裙登場為TVB台慶表演豎琴。由於公司未有新工作安排，而疫情關係，她冇晒外出主持job，所以有搵工作的念頭，但未有方向，也冇在出面見過工。

問到經濟有冇問題？她坦言食穀種，用之前的積蓄：「我都好想再返去拍《愛回家》，好掛住細龍生（鄭世豪）同劇組人員，細龍生之前都有唱歌拍片畀我睇。（一陣趁機會同高層解釋？）今日好忙，要搬豎琴，先專注做好表演先。」問到有份在台慶表演是否代表解凍？她卻不知道，但很開心有份表演。