粉絲送蛋糕補祝36歲生日 謝票活動變周柏豪生日會

由謝天華、周柏豪、連詩雅主演的犯罪動作電影《無間行者之生死潛行》今日上映，片中飾演未婚夫妻的周柏豪和連詩雅，早前於電影優先場，突襲尖沙咀一間戲院與粉絲見面。進場時兩人仍然入戲Sweet到爆，現場更有粉絲熱情高呼：「嫁畀佢啦！」看到粉絲如此喜歡電影，柏豪與Shiga都大感興奮，Shiga表示:「完場聽到好多人討論我同柏豪嘅感情戲，都話有感動到，有流眼淚。」柏豪坦言首次擔演反派心情緊張：「其實都擔心大家睇完會唔喜歡，終於感受到做反派驚畀觀眾鬧嘅滋味！今次落嚟戲院同觀眾睇足全場，見大家睇得好投入，完場仲畀好多鼓勵我同Shiga，終於可以放下心頭大石！」

現場粉絲都以超熱烈的掌聲及歡呼聲支持柏豪和Shiga，有粉絲更送上蛋糕，大唱生日歌，祝上週36歲生日的柏豪生日快樂，令謝票活動頓時變為柏豪生日會。兩人為答謝粉絲的熱情和支持，送出電影海報及明信片給粉絲留念，更即場簽埋名，對於粉絲合照的要求更是有求必應。

之後到問答送禮物環節，粉絲們反應好熱烈，柏豪和Shiga大讚觀眾非常投入：「真係好感動，本身覺得我哋喺戲入面未能夠有好結局係好可惜，不過見到大家反而因為咁深受感動，真係苦中一點甜！」

《無間行者之生死潛行》集合兩代臥底「Laughing Gor」謝天華與「樂少」周柏豪領銜主演，一黑一白鬥智鬥力。柏豪希望疫情盡快過去，有機會拍更多精彩電影，以及《無間行者》系列可以長拍長有：「觀眾覺得好睇，對於我哋演員係好大鼓勵，滿足到爆！」