踩入劇組演鹹豬手醫生 鍾煒喬奉旨摸「靚女」周嘉洛pat pat
2020-09-16 11:50 
TVB有唔少後生「大隻仔」型男，好似鍾煒喬(Matt)及黃庭鋒都係有學識兼有才藝系列。今日31歲牛一嘅鍾煒喬曾經係獸醫學生，亦曾同韓君婷傳過緋聞。由香港開電視轉投TVB接近兩年，主力做娛樂新聞台。最近鍾煒喬更有機會踩入劇組，昨晚播出嗰集《愛回家之開心速遞》「該孩子遠離陰暗角落」，Matt就演鹹豬手西門醫生，除咗非禮幾個大學女同學外，仲鹹豬手摸埋男扮女裝嘅「金城安」(周嘉洛)patpat。
鍾煒喬接受頭條日報訪問時說：「之前都客串過做過細角色，監製畀機會我，喺今集單元度做主角，同周嘉洛有好多對手戲。今集都落咗好多心機去做，『金城安』男扮女裝，造型幾靚女，好人羨慕我可以鹹濕到佢，其實劇中話我對好多個嚟睇醫生嘅女同學唔規矩，不過，周嘉洛係惟一個男演員，我梗係去盡啲，落力咁揸落去佢pat pat度啦！哈！佢pat pat幾彈手，唔錯。其實演醫生唔難，始終都做過獸醫，不過，今次露狼相，較猥瑣。」提到生日願望，他表示今次演戲有好多正評及鼓勵，希望日後除咗做主播外，有機會想向劇集進發。
關鍵字
最新回應