單飛後首個個人音樂會 釗峰Boxing Day麥花臣開騷

C AllStar成員梁釗峰將於12月26日Boxing Day在旺角麥花臣場館舉行其首個個人音樂會，釗峰形容這是一個很奇妙的旅程。
釗峰說：「音樂會嘅流程同表演內容都初步定咗，音樂會主題同我第二張個人專輯一樣係《Create My Own Universe》，好貼合我心入面嘅感覺。由單飛到擁有自己嘅專輯，當時都有想過幾時會有自己嘅個人音樂會，依家終於出現了，感覺成個過程好奇妙好感恩，完全係由冇到有咁創建一個屬於我嘅宇宙，一如音樂會海報上面嗰個月球咁，喺呢個國度，你想見到嘅就保留，唔想要嘅就剔走，就好似我首歌《28天》咁，我用咗28天去創造我嘅宇宙。」