【台慶夜】黎耀祥拍《拳王》操到成身肌肉 陳豪後台長帶口罩防疫意識強

出席台慶的陳豪一入後台就一直戴口罩，他表示家有小朋友，所以防疫意識較高，亦理解有同事可能因化妝關係故不便戴口罩。講到今年台慶設53萬大抽獎，他笑言一直沒抽獎運，但有正財運，自言條命唔辛苦就賺唔到錢。對於不少報導讚他跟陳茵媺是模範夫妻，他說：「要保持家庭充滿愛，小朋友才會發出光輝和明亮，大家才會開心。」

而正在拍攝新劇《拳王》的黎耀祥相當FIT，不過他嫌未夠，並預告12月中會除衫拍擂台戲，對於賴慰玲爆張振朗為劇集操到好硬，祥仔笑指自己當然不夠後生仔硬，無得比，又爆張振朗操到手臂好巨，歎為觀止。祥仔表示，「仲有三、四個星期要谷到盡，拍攝前唔可以飲水，肌肉練條先會出嚟，又要搽油。」祥仔拍《殺手》時身形較瘦，現在胸肌更勁，他希望以新面目示人。又因拍完《殺手》肥了20磅，今次開工前已減10磅，但再要減多4磅。提到在場藝員不戴口罩，祥仔稱不擔心得太多，正如拍劇都沒辦法，大家都會警覺，他在開工以外很少出街，會比較小心。