【獨家】被錯認為準新郎 余香凝前緋聞男友Victor爆笑回應:「都唔係我嚟」

27歲的余香凝今日在IG貼婚照宣佈婚訊，圈中好友紛紛留言恭喜，連分手兩年的陳家樂亦透過傳媒送上祝福，全城競猜誰是新郎，因為余香凝公佈的婚照只見準新郎的側面，準新郎又跟之前同余香凝傳緋聞的保險界才俊許焯倫（Victor）有幾分似，大量傳媒直指跟余香凝結婚的就是Victor。

不過，有忠實《頭條日報》讀者報料，指余香凝婚照中的男人絕對不是Victor，還提供跟Victor的對話截圖，當中讀者問Victor是否結婚?Victor即以無眼睇Emoji再伴以一句，「都唔係我嚟。」還笑言，「張相點睇都唔似我啦。」讀者還指Victor笑言好多朋友恭喜佢，再對「無啦啦被結婚」一事表示黐線及誇張，全民炒晒車嘞。

咁究竟誰是新郎?結婚當日自然知道。余香凝胞妹余潔滢(Zoe)和一班好姊妹送上祝福。Zoe表示：「當然戥家姐開心，我都好開心，祝佢幸福快樂。」Cheronna@SG也替準新娘開心：「好替佢開心，祝佢幸福開心。」廖子妤亦謂：「能夠在茫茫人海中搵到決定廝守一生的人是非常有福氣的事，我真係非常非常非常替她開心和感動。結婚只是人生中其中一站，希望她之後的每一站都能平安順心。」

而跟準新娘好老友的胡子彤說：「睇到呢個消息，相當興奮，之前跟余香凝傾計，知道佢依家好開心、好幸福，消息出黎即刻恭喜佢，希望佢可以開開心心，工對順利！最好快啲生個小朋友，成個氣氛再開心啲！等我可以買多啲禮物畀BB，你知我幾鍾意買衫褲鞋襪畀小朋友㗎啦」另外朱鑑然亦表示：「識咗余香凝多年，大家都好多合作機會，睇住大家成長，收到呢個消息好開心，當然要祝佢幸福快樂，婚姻美滿，小朋友快高長大！」

同公司的徐穎堃(Erica)亦表示好開心:「希望他們新婚快樂！甜甜蜜蜜！」另一好友蔡潔則說：「人生每個重要的階段，都是上天給予的禮物，祝我的好拍檔Jennifer一直幸福快樂。」最後，舊愛陳家樂透過傳媒表達祝福，「祝福余小姐幸福快樂。」