開個人官方IG 少時潤娥連環Post相晒美貌

今日SM娛樂宣布為少女時代的潤娥開辦個人官方IG，在啓用新帳號的同時，潤娥亦一連Post出多張相。9張照片的構圖相似，身穿黑色樽領衫的潤娥站在淨色背景前擺出不同甫士同表情，簡單得嚟又好靚。加上女神最近又剪咗一頭及肩短髮，造型超級清新。新IG開通半日都未夠，已經有超過17萬人Follow嘞。

其實潤娥15年已經有個人IG account，所以都有不少粉絲對SM娛樂呢個突如其來嘅舉動感到好疑惑。不過大家又唔使太擔心舊IG會冇咗，全因新IG係Post潤娥嘅工作日常，例如拍攝花絮，而其他內容都會繼續在先前嘅IG account更新㗎。