譚嘉儀「佛系」識異性 薛家燕講明唔會再嫁純拍拖

TVB《流行經典50年》昨晚進行錄影，薛家燕提到日前跟李居明拍節目，對方指她明年紅鸞星動。不過紅鸞星動唔止代表有桃花，大師向她表示觀眾緣也是紅鸞星動的一種，家燕姐入行已60多年，認為自己若欠缺觀眾緣，很難這麼長時間吸引觀眾。

至於結婚，家燕姐強調不會再嫁：「我唔嫁係想畀大家有一個希望，因為我一嫁大家就會失望。」但就希望將桃花運送給單身的大女石祐珊及細女石耀珠。表明不會再嫁男友可會失望？她透露對方最希望她退休。提到70歲的家燕姐仍然樣靚身材正，男友難以移情別戀，她就笑說：「如果佢咁樣就搵第二個算了，要以我為重心，唔好三心兩意。」

另外，譚嘉儀將會出席好友鄭俊弘和何雁詩的婚禮，問她會否趁機物色筍盤？嘉儀笑說：「唔會喇！因為佢（鄭俊弘）大部份兄弟我都識，如果有好嘅佢都一早介紹咗。」單身多年的她表示暫時以事業為重，亦不會為吸引異性而改變自己。