游泳學校因疫情蝕咗41萬 方力申一提陳瀅口窒窒

方力申去年完成全長45公里的環島泳，為慈善機構籌得超過1050萬港元善款。環島泳紀錄片今日舉行首播會，好友張繼聰、周家蔚及TVB高層樂易玲等均現身撐場。小方慶幸完成環島泳之後仍一直保持到游早水的習慣，今年頭第一波疫情冇工開時，他曾想挑戰由大嶼山游到澳門，全長30多公里，但因澳門封關而擱置。他笑言現在游水的話便要為自己籌款，皆因荷包已「乾硬」，若籌得100萬也不錯。

問到最近有否約緋聞女友陳瀅游水？小方表示不清楚陳瀅的泳術如何，更自爆至今也沒借教游水之名來追女仔。他扯開話題，指自己的游泳學校由今年1月起至今已蝕了41萬，但由於學費是預付形式，故暫不用再「泵水」，只需補堂便可。記者笑指可找陳瀅等女星參加，搞個「星級班」？小方表示藝人冇折，十分均真，但他亦冇否認二人有發展可能：「冇嘢冇可能㗎喎！但我暫時冇約到佢食飯。（她有男友？）不知道，她很秘密的，你們幫我問吓，如果有男友的女生，我見也不見，電話也不會攞呀！」至於有冇陳瀅電話，小方支吾以對之餘更答到滴汗，有古怪喎！