星島日報

【獨家】發霉歌手升呢「一件頭女神」 32C陳詩欣憶冇Job扮返工爆喊

2020-10-18 21:00
Eunice入到無綫肯博肯露,全因當歌手時曾經歷過低谷。
Eunice入到無綫肯博肯露,全因當歌手時曾經歷過低谷。

新一代女神陳詩欣(Eunice)有樣有身材,加上肯博肯露,所以加入無綫短短兩年多,已極速被力捧拍《3日2夜》及《姊妹淘》等節目,成功入屋!15年,Eunice從Model界踩入樂壇非常難撈,長期處於「低薪一族」,甚至試過成個禮拜冇工開;面對生活負擔,要養父母的她只好暫時拋低歌手身份,走到前線跑娛樂新聞,Eunice忍唔住爆喊:「入咗TVB收入同知名度都好好多,好開心拍到唔同節目,我最鍾意見到個Schedule好full,好享受忙碌嘅感覺。」撰文:黎寶倫 攝影:李維隆

Eunice入到無綫肯博肯露,全因當歌手時曾經歷過低谷。
Eunice入到無綫肯博肯露,全因當歌手時曾經歷過低谷。
講到當歌手時每月得數千蚊收入,Eunice爆喊稱:「當時覺得自己遊手好閒好冇用。」
講到當歌手時每月得數千蚊收入,Eunice爆喊稱:「當時覺得自己遊手好閒好冇用。」

27歲陳詩欣(Eunice)兩年多前由歌手轉戰電視圈,去年終憑旅遊節目《3日2夜》人氣急升,獲網民封為「一件頭女神」,又獲公司器重拍《學是學非》、《姊妹淘》等,繼續於《姊》以噴血泳衣Look大晒32C、23、34好身材,與曾淑雅、蔡嘉欣等索女拍檔鬥性感!

「驚屋企人擔心」
「我都覺得自己博,而家一個禮拜7日全年無休,我好鍾意將Schedule塞滿!」Eunice開心笑謂。入到無綫肯博肯露,全因Eunice當歌手時曾經歷過低谷,試過成個禮拜都冇工開,還要向公司每月墊支數千蚊,令她一度心灰想轉行做空姐、保險,Eunice憶起由Model轉做歌手的辛酸即哽咽:「試過成個禮拜個Schedule係空㗎!因為要同屋企人交代,當初佢哋容許我做Model,成日擔心我畀人呃,覺得娛樂圈好複雜,所以我承諾要做番啲成績,但做歌手後日日喺屋企,我驚屋企人擔心呀,所以扮岀去做嘢到夜晚先返。嗰時覺得自己好遊手好閒,質疑自己係咪咁冇用呢?」

Eunice不介意為角色性感演出, 並謂只要能在電視熒幕播出便是自己的底線。
Eunice不介意為角色性感演出, 並謂只要能在電視熒幕播出便是自己的底線。
獲封「一件頭女神」的Eunice不時在IG晒性感泳衣Look,她覺得要趁青春留倩影。
獲封「一件頭女神」的Eunice不時在IG晒性感泳衣Look,她覺得要趁青春留倩影。

最緊要搵錢
幸而在低谷時期,Eunice收到無綫節目《娛樂新聞台》的Offer,順勢再轉型做主播。當時由低做起的她要跑外景,試過去醫院、機場、花市等更,又採訪過同期出道歌手,但Eunice絕冇Hard feeling:「嗰時冇諗任何嘢,人哋笑咪笑囉,我都係做返本份,其實我覺得自己EQ都好高,哈哈。起碼做緊自己鍾意嘅嘢,最緊要有收入,所以都令我堅持落去!」努力工作後得到回報,Eunice也很享受忙碌的感覺,並坦言恨拍電視劇,最想跟視帝王浩信合作,亦不介意作性感演出,她笑說:「電視熒幕播出街嘅就係我嘅底線!作為演員係要試,又唔需要怕俾人定型,其他人係會睇到你為角色付出同努力。」

憑旅遊節目《3日2夜》彈出的Eunice指與拍檔鍾晴會互相提點,保持最Fit狀態示人。
憑旅遊節目《3日2夜》彈出的Eunice指與拍檔鍾晴會互相提點,保持最Fit狀態示人。
Eunice與世界級Party搞手男友陳爾正均在衝刺階段,故對方也體諒她忙為事業打拼。
Eunice與世界級Party搞手男友陳爾正均在衝刺階段,故對方也體諒她忙為事業打拼。
Eunice並沒有因「降呢」採訪藝人而難過,皆因她自覺未夠好,盼有日觀眾看到她的努力。
Eunice並沒有因「降呢」採訪藝人而難過,皆因她自覺未夠好,盼有日觀眾看到她的努力。
Eunice直言入無綫後知名度提升,去年推出的歌曲《超連結》亦多人聽了。
Eunice直言入無綫後知名度提升,去年推出的歌曲《超連結》亦多人聽了。
Eunice繼續於《姊妹淘》大晒泳衣Look,與曾淑雅、蔡嘉欣等索女拍檔鬥性感!
Eunice繼續於《姊妹淘》大晒泳衣Look,與曾淑雅、蔡嘉欣等索女拍檔鬥性感!
現在將工作排得密麻麻的Eunice表示會珍惜所有演出機會。
現在將工作排得密麻麻的Eunice表示會珍惜所有演出機會。
Eunice曾遭網民質疑下巴動過手腳,她指初出道時很介意別人目光,更試過嬲嬲哋Po舊照反擊:「我下巴係真㗎!」後來索性唔睇留言,繼續做自己!
Eunice曾遭網民質疑下巴動過手腳,她指初出道時很介意別人目光,更試過嬲嬲哋Po舊照反擊:「我下巴係真㗎!」後來索性唔睇留言,繼續做自己!

最新回應

關鍵字

相關新聞

熱門文章