【独家】发霉歌手升呢「一件头女神」　32C陈诗欣忆冇Job扮返工爆喊

新一代女神陈诗欣（Eunice）有样有身材，加上肯博肯露，所以加入无綫短短两年多，已极速被力捧拍《3日2夜》及《姊妹淘》等节目，成功入屋！15年，Eunice从Model界踩入乐坛非常难捞，长期处于「低薪一族」，甚至试过成个礼拜冇工开；面对生活负担，要养父母的她只好暂时抛低歌手身份，走到前线跑娱乐新闻，Eunice忍唔住爆喊：「入咗TVB收入同知名度都好好多，好开心拍到唔同节目，我最锺意见到个Schedule好full，好享受忙碌嘅感觉。」撰文：黎宝伦　摄影：李维隆

27岁陈诗欣（Eunice）两年多前由歌手转战电视圈，去年终凭旅游节目《3日2夜》人气急升，获网民封为「一件头女神」，又获公司器重拍《学是学非》、《姊妹淘》等，继续于《姊》以喷血泳衣Look大晒32C、23、34好身材，与曾淑雅、蔡嘉欣等索女拍档斗性感！

「惊屋企人担心」
「我都觉得自己博，而家一个礼拜7日全年无休，我好锺意将Schedule塞满！」Eunice开心笑谓。入到无綫肯博肯露，全因Eunice当歌手时曾经历过低谷，试过成个礼拜都冇工开，还要向公司每月垫支数千蚊，令她一度心灰想转行做空姐、保险，Eunice忆起由Model转做歌手的辛酸即哽咽：「试过成个礼拜个Schedule系空㗎！因为要同屋企人交代，当初佢哋容许我做Model，成日担心我畀人呃，觉得娱乐圈好复杂，所以我承诺要做番啲成绩，但做歌手后日日喺屋企，我惊屋企人担心呀，所以扮岀去做嘢到夜晚先返。嗰时觉得自己好游手好闲，质疑自己系咪咁冇用呢？」

最紧要搵钱
幸而在低谷时期，Eunice收到无綫节目《娱乐新闻台》的Offer，顺势再转型做主播。当时由低做起的她要跑外景，试过去医院、机场、花市等更，又采访过同期出道歌手，但Eunice绝冇Hard feeling：「嗰时冇谂任何嘢，人哋笑咪笑罗，我都系做返本份，其实我觉得自己EQ都好高，哈哈。起码做紧自己锺意嘅嘢，最紧要有收入，所以都令我坚持落去！」努力工作后得到回报，Eunice也很享受忙碌的感觉，并坦言恨拍电视剧，最想跟视帝王浩信合作，亦不介意作性感演出，她笑说：「电视荧幕播出街嘅就系我嘅底线！作为演员系要试，又唔需要怕俾人定型，其他人系会睇到你为角色付出同努力。」